Soi.29

營業中

休息中

- 飛天通菜 同其他餐廳差唔多，無咩大分別。 - 醉貓炒河 佢個炒河係用肉碎炒嘅，有少少辣，我覺得可以再辣少少，火候好夠，上台嘅時候仲係好熱，幾惹味。但係份量就有啲少。 - 生菜包（牛） 出面多數食嘅都係豬肉生菜包，今次試咗呢個牛version，又幾特別，但係建議真係食得辣嘅人先好嗌，因為佢真係好辣。但係佢嘅辣一開始係食唔到，過咗差唔多成分鐘先有辣味滲出嚟。不過真係幾好味。 - 燒豬頸肉 佢個燒豬頸肉唔係好夠火候，出面果啲燶邊唔係好夠，但係味道上來講都不錯，唔會話好乾，仲有水份係入面。 - 芒果蟹肉炒飯 無諗過原來炒飯同芒果可以咁夾，佢個蟹肉炒飯好足料，落咗好多蟹肉落去，個飯亦都炒得好好食，好有火候，啲飯粒粒分明。芒果亦都幾足料，差唔多成個芒果切哂出嚟。佢哋嘅味真係好夾，係意想不到甜同咸嘅融合。 - 燒牛肉 燒牛肉好好食，啲牛肉5成熟左右，好juicy好有牛味，而且份量亦比想像中嘅多。燒得啱啱好又好夠味，來到一定要試下。