影片
更多
2022-10-24
201 瀏覽
好耐未試過收工去街，今日經過大角咀，就去奧海城二期食飯。我同朋友都好掛住日本嘢食，見到呢一間「金子半之助」，係食日本天婦羅嘅餐廳，決定入去試一試，結果都冇令我哋失望😄餐廳門口和木色系裝修，非常有日本特色，令人想起去日本旅行嘅愉快回憶。餐廳入邊座位非常闊落，枱與枱之間距離十足，而且非常乾淨，裝潢亦好精緻。店員服務好有禮貌，等我哋坐低之後，就提醒我哋可以自行掃QR code落單。餐廳食物選擇以天婦羅為主，我哋一人嗌咗一個套餐😄等緊上菜嘅時候，我哋試飲咗餐廳免費附送嘅黑豆茶🫖，豆香濃郁，唔錯！🎈牡蠣車海老天丼158元（加配半熟玉子12元）呢款天丼係今季期間限定，餸菜非常豐富，有由日本直送嘅蠔，外表炸到酥脆香口，入面就啖啖海水鮮味十足🤩仲要配合埋車海老，爽口彈牙嘅蝦肉，入口非常鮮甜🤭。仲有小柱魷魚天婦羅、豌豆、海苔，半熟玉子，用料十足！下面嘅白飯粒粒飽滿，仲落咗少少醬油。初初落單嘅時候，冇為意原來套餐本身已經包咗半熟玉子🫣結果自己仲加錢嗌多份，不過一樣冇後悔😜因為半熟玉子撈落飯食真係超級惹味☺️🎈上天丼 118元（加配半熟玉子12元）至於呢一款套餐，同樣有小柱魷魚天婦羅、海苔、車海老、半熟玉子，
好耐未試過收工去街，今日經過大角咀，就去奧海城二期食飯。我同朋友都好掛住日本嘢食，見到呢一間「金子半之助」，係食日本天婦羅嘅餐廳，決定入去試一試，結果都冇令我哋失望😄
餐廳門口和木色系裝修，非常有日本特色，令人想起去日本旅行嘅愉快回憶。餐廳入邊座位非常闊落，枱與枱之間距離十足，而且非常乾淨，裝潢亦好精緻。店員服務好有禮貌，等我哋坐低之後，就提醒我哋可以自行掃QR code落單。
餐廳食物選擇以天婦羅為主，我哋一人嗌咗一個套餐😄等緊上菜嘅時候，我哋試飲咗餐廳免費附送嘅黑豆茶🫖，豆香濃郁，唔錯！
🎈牡蠣車海老天丼158元（加配半熟玉子12元）
呢款天丼係今季期間限定，餸菜非常豐富，有由日本直送嘅蠔，外表炸到酥脆香口，入面就啖啖海水鮮味十足🤩仲要配合埋車海老，爽口彈牙嘅蝦肉，入口非常鮮甜🤭。仲有小柱魷魚天婦羅、豌豆、海苔，半熟玉子，用料十足！下面嘅白飯粒粒飽滿，仲落咗少少醬油。
初初落單嘅時候，冇為意原來套餐本身已經包咗半熟玉子🫣結果自己仲加錢嗌多份，不過一樣冇後悔😜因為半熟玉子撈落飯食真係超級惹味☺️
🎈上天丼 118元（加配半熟玉子12元）
至於呢一款套餐，同樣有小柱魷魚天婦羅、海苔、車海老、半熟玉子，最好食嘅就係赤甘鯛，真係好值得回味🤭！值得一讚嘅係，所有套餐都會配有味噌湯、漬物蘿蔔、甜酸薑片，可以清除食炸物嘅油脂感，秋冬飲味噌湯亦夠晒暖胃🍁
二人晚餐350元有找，以食物質素加埋餐廳環境，算值回票價。食完飯仲可以行一陣商場，對於平日放工嘅打工仔都算方便🌷上網睇返，原來「金子半之助」好多商場都有分店，喺唔同地區都可以食到，可以算係comfor food😌
張貼
