影片
更多
2024-11-24
154 瀏覽
呢間餐廳就係東角附近，今次已經係第二次行完街黎呢到醫肚食dinner。見佢次次既野食都令我有驚喜就決定打個食評比佢😆前菜叫左原條鰻魚起司玉米蛋餅，一黎到就好吸引眼球，條鰻魚真係有手掌咁大㗎🤚🏼店員會係上菜時先將表面芝士燒溶，鰻魚嘅鮮味加上濃郁嘅起司，配埋蛋餅同粟米，咬落去口感好豐富🤙🏻主食方面黑蒜牛肉麵都好正，牛肉湯味好濃，牛肉煮得夠淋，配埋黑蒜嘅香味真係食唔停，呢碗麵絕對值得一試！甜品方面，開心果奶奶麻糬口感好Q彈，開心果餡料甜得黎啱啱好，唔會太膩，店員會先示範一次點撈起個麻糬，之後就可以自己慢慢撈喇😋最後飲品方面，同朋友分別叫左芋泥牛乳同鐵觀音茶（玫瑰花同可可殼），芋泥牛乳口感夠rich，另外偷飲埋隔離杯鐵觀音茶，好香既茶味又可以消濟。今次嘅用餐體驗同上次一樣咁滿意，所以都推薦大家不妨行完街去試下😝
前菜叫左原條鰻魚起司玉米蛋餅，一黎到就好吸引眼球，條鰻魚真係有手掌咁大㗎🤚🏼店員會係上菜時先將表面芝士燒溶，鰻魚嘅鮮味加上濃郁嘅起司，配埋蛋餅同粟米，咬落去口感好豐富🤙🏻
主食方面黑蒜牛肉麵都好正，牛肉湯味好濃，牛肉煮得夠淋，配埋黑蒜嘅香味真係食唔停，呢碗麵絕對值得一試！
甜品方面，開心果奶奶麻糬口感好Q彈，開心果餡料甜得黎啱啱好，唔會太膩，店員會先示範一次點撈起個麻糬，之後就可以自己慢慢撈喇😋
最後飲品方面，同朋友分別叫左芋泥牛乳同鐵觀音茶（玫瑰花同可可殼），芋泥牛乳口感夠rich，另外偷飲埋隔離杯鐵觀音茶，好香既茶味又可以消濟。
今次嘅用餐體驗同上次一樣咁滿意，所以都推薦大家不妨行完街去試下😝
張貼
