Odelice! (新城市廣場一期)

星期六同閨蜜過嚟沙田呢間時尚法國菜餐廳食早午餐套餐。有齊頭盤、主菜、飲品，仲可以追加甜品，實在太豐富。炸黑松露蘑菇球黑松露味非常香濃。法式三文魚醬配酸種麵包三文魚醬勁豐富，啖啖魚肉，仲有好香嘅洋蔥味，係一道非常清爽嘅前菜。烤龍蝦燴飯賣相太靚勁豪華，半隻龍蝦以芝士，忌廉汁烤焗，龍蝦非常鮮甜，意大利燴飯味道香濃，每嚐一啖都有龍蝦香味同番茄味，飯粒彈牙。阿根廷安格斯肉眼牛扒牛扒表面輕微烘烤至金黃微焦，切開中間呈現粉紅色，最喜歡呢個熟成度。油花分佈均勻，肉質柔嫩，依然保持到豐富嘅肉汁。薯條啖啖薯肉，沾一沾酸酸甜甜嘅蕃茄醬，非常滿足。白蘭地大蜆鍋呢道菜最有驚喜，每一粒大蜆保留著海鮮本身嘅鮮甜味，中蜆又夠飽滿，味道甜甜。巴黎式芝士蛋糕賣相好靚，呢款芝士蛋糕係暖笠笠，面層有脆卜卜嘅焦糖。蛋糕質地非常濕潤，除咗蛋香味同芝士味仲有好濃嘅水蜜桃味。兩杯Latta都有超靚嘅拉花非常值得打卡。用餐環境舒適，好適合同閨蜜來一個周末午餐約會，慢慢嘆慢慢傾。