Nisugu (雙子匯1期)

營業中

休息中

我想悠閑地食個午餐，朋友就帶我來位於崇光啟德店食匯堂14樓的《Nisugu》，原來這裏午市是Cafe,夜晚市是bar & restaurant。餐廳環境光猛雅致，仲有室外位置可以睇靚景，真係好舒適。午餐有西式或日式選擇，決定每樣叫一個。🔸日式午餐，擺盤極靚，有齊以下自選菜式：涼拌手撕雞青瓜+滑蛋壽喜燒豆腐+日本蟹膏+湯烏冬+麵豉湯咁豐富嘅午餐，好滿足，其中滑蛋壽喜燒豆腐最有驚喜，無論豆腐及蛋都好滑，配壽喜燒汁好正！烏冬亦好彈牙，麵豉湯熱辣辣！🔸西式午餐：香橙羅馬生菜沙律+白酒煮大蜆+白松露雜菌忌廉意粉好欣賞白酒煮大蜆，蜆肉大隻，白酒清甜。雜菌忌廉意粉，好香白松露，味道不錯！🔸開心果法式西多士配海鹽開心果忌廉芝士法式西多士好似蛋糕咁軟滑，軟腍腍口感好正，開心果忌廉芝士味道亦都好香！🔸西班牙油炸鬼配肉桂糖.朱古力醬及雲呢拿雪糕西班牙油炸鬼好正宗，香脆得來仲可以沾上朱古力醬或雪糕去食，好味道！飲品我哋分別嘆返杯Cappuccino及Natsu，這個悠閒午餐好食又寫意。