悄悄食堂

營業中

休息中

已經係第二次造訪，仍然覺得環境與食物結合的重要，恬靜的環境與裝修，加上優質食物，感覺心靈被洗滌，煩躁的心悄悄地被環境氣氛及食物安頓下來。朋友仔特別致電訂座，所以可以坐榻榻米，因為要除鞋，記住着冇穿窿嘅襪嚟啊。我哋叫咗三文魚定食，以及素菜拌麵。每次送菜上來，店員必定耐心講解食物的來源，如何特別配製，醬料的配搭，感覺純熟，對食物有一份熱情，未食已經感覺興奮。我選取嘅三文魚定食，非常香口，加上特別嘅他他醬汁，好食到冇朋友，而朋友仔食嘅素菜拌麵，以為感覺很清淡，其實也有驚喜，每一種食物都有佢嘅特別味道。之後店員特別推介一種菠蘿椰子特飲，因為本人係椰子控，所以叫咗一事，不過有點兒失望，因為沒有太多椰子味，不過整體都是一個特別的飲品。雖然店舖的位置有點兒偏僻，也是久不久需要探望的一間食店 ！