cafe TOO

朋友突然興起想食buffet，係OpenRice見到有75折後$550左右，又好耐冇食呢間，所以決定多年後再試下。大堂依然富麗堂皇，職員態度十分友善。我同朋友開頭都擔心疫情下的buffet會簡潔d，怕嘢食會少咗，但我哋覺得食品反而仲精緻，擺位仲靚，冷盤多數已經分好左一碟碟，個人覺得仲乾淨仲好，唔會俾人夾到亂晒。先講海鮮，長腳蟹雖然唔算好肥大，但蟹肉鮮甜，肉質唔會鞋唔會咸，10分滿分我會比8分。龍蝦係鐵板燒形式，雖然要排隊等但係值得食嘅，肉質甜同爽，不過食兩隻已經好夠熱盤種類雖然唔算多，但每一款都唔差，喇沙湯麵有驚喜甜品都有7分。整體來講，性價比係好OK的