天府川菜

營業中

休息中

放假又同屋企人周圍去覓食，今次嚟天后食川菜。餐廳環境乾淨企理，全部都係卡位，而且每一個卡位都好闊，坐得好舒服。食物款式都有好多，中午有午市套餐，包一杯飲品仲免加一，都幾抵。另外都仲有好多特色川菜同小食，選擇豐富。手撕雞涼麵涼麵麵質口感煙韌有咬口，雞肉唔乾而且入味，配埋爽脆嘅青瓜，口感更有層次，香辣開胃。回鍋肉份量都幾多，而且每一片回鍋肉都大大塊，脂肪位比例會多少少，但係勝在爽彈，唔會油膩，鹹香惹味，送飯一流。午餐肉炒飯整體賣相已經見到炒得好靚，粒粒分明，炒飯夠乾身，而且有鑊氣，加上午餐肉嘅鹹香配埋蔥花同蛋嘅香氣，唔錯。紅糖糍粑外皮炸得香脆，裏面軟糯，而且紅糖汁甜度適中，配埋花生碎同豆粉一齊食，味道好夾。草莓益力多益力多味濃郁，加上新鮮草莓粒，味道清爽。凍檸檬茶茶底幾香，食辣野飲幾解辣。