味火鍋 (雅仕洋樓)

想同朋友食飯聚下又唔知食乜好，火鍋放題就方便。呢間餐廳除左有芝士龍蝦做頭盤之外，仲係冇限時任食。可以一邊慢慢食一邊傾下計。唔使趕頭趕命、而且食材新鮮。性價比都幾高👍任食火鍋四部曲1️⃣第一部曲（選頭盤）有芝士焗波士頓龍蝦、買川麻辣雞煲、芝士焗美國生蠔同老壇酸菜魚可以揀。我同朋友都揀左芝士焗龍蝦。龍蝦都幾大隻，肉質爽口，上面舖滿芝士，有濃濃既芝士香味。2️⃣第二部曲（選湯底）餐廳有成十款湯底可以揀，我地就揀左麻辣同沙爹，麻辣鍋入面仲有鴨血同豆腐，充滿台式風味。湯底到左之後店員就會送上美國安格斯牛肉拼盤、精選時令海鮮拼盤同蔬菜拼盤，豐富之餘仲好岩打卡👍3️⃣第三步曲 QR code自選任食配料有幾十款配料可以揀，包括肥牛、豚肉、各式丸類同蔬菜等等，麻辣火鍋裡面既鴨血同豆腐都可以無限任添。另外自助吧仲有多種飲品，而且仲有樽裝汽水，邊食邊飲就最正👍4️⃣第四部曲只要讚好餐廳社交平台 專頁就可以免費獲贈Movenpick雪糕一盒，送完即止