雲壽司 (已結業)

👫之前試過銅鑼灣分店覺得性價比頗高，今次試下太子店。新店環境光猛，而且比起銅鑼灣店座位更寬敞。🥢三色丼$138三文魚子鋪滿大半碗飯，份量多到好澎湃！粒粒晶凝通透色澤又靚。味道鹹香鮮甜，餸飯一流。帶子鮮甜但比較薄。海膽都冇明礬味，而且份量好多。醋飯軟熟而且醋味恰度好處😋。🥢特上刺身拼盤$320牡丹蝦已預先去頭，鮮甜糯口。赤貝爽脆而且一啲腥味都冇。吞拿魚腩都頗肥美。因為魚油比較多，刺身比起想像中飽肚。