影片
更多
2022-11-23
45 瀏覽
今日放工去同事屋企附近覓食，見呢間餐廳有個晚市二人餐($338)，性價比好似幾高咁，就冇乜點諗入咗去食。餐廳裝修帶少少休閒風，感覺幾chill.前菜沙律沙律通常都冇乜特別，不過呢間餐廳嘅沙律竟然落咗少少大樹菠蘿喺上邊，成個感覺即刻變咗東南亞風味。之後我同朋友各自點左兩杯嘢飲, 其中俾多$28升級叫嘅餐酒 House white (Perrin Luberon Blanc 2020) 入口帶少少果香，唔會好苦澀另外叫做一個特色飲品: 美祿山杯嘢飲都好有驚喜，係滿滿嘅美祿味，上邊仲落咗朱古力粉同朱古力醬，味道Double up😂小食拼盤可以揀三款小食，我哋分別揀咗馬拉盞魷魚圈、沙嗲雞脾肉串、同埋手打馬來蝦餅(+$28)。比較出色嘅係雞脾肉串，沙嗲醬入邊仲食到啲花生粒，口感豐富。魷魚圈同埋蝦餅都好惹味。另外叫咗個fushion嘅濃香喇沙煙肉長通粉。有少少似食carbonara，入邊有流心蛋、煙肉同菇菌。長通粉吸收晒啲汁嘅味道，fusion菜得嚟出奇地夾。檳城福建蝦摻摻不嬲都好鍾意食摻摻嘅口感，見呢度有得食就二話不說點左。佢有一隻辣椒但係比想像中更辣。入邊嘅配料有蝦同肉片，另外仲有啲蔥同芽菜嘅
餐廳裝修帶少少休閒風，感覺幾chill.
前菜沙律
沙律通常都冇乜特別，不過呢間餐廳嘅沙律竟然落咗少少大樹菠蘿喺上邊，成個感覺即刻變咗東南亞風味。
之後我同朋友各自點左兩杯嘢飲, 其中俾多$28升級叫嘅餐酒 House white (Perrin Luberon Blanc 2020)
入口帶少少果香，唔會好苦澀
另外叫做一個特色飲品: 美祿山
杯嘢飲都好有驚喜，係滿滿嘅美祿味，上邊仲落咗朱古力粉同朱古力醬，味道Double up😂
小食拼盤可以揀三款小食，我哋分別揀咗馬拉盞魷魚圈、沙嗲雞脾肉串、同埋手打馬來蝦餅(+$28)。比較出色嘅係雞脾肉串，沙嗲醬入邊仲食到啲花生粒，口感豐富。魷魚圈同埋蝦餅都好惹味。
另外叫咗個fushion嘅濃香喇沙煙肉長通粉。有少少似食carbonara，入邊有流心蛋、煙肉同菇菌。長通粉吸收晒啲汁嘅味道，fusion菜得嚟出奇地夾。
檳城福建蝦摻摻
不嬲都好鍾意食摻摻嘅口感，見呢度有得食就二話不說點左。佢有一隻辣椒但係比想像中更辣。入邊嘅配料有蝦同肉片，另外仲有啲蔥同芽菜嘅配菜。湯底呈深紅色，食到好濃嘅蝦味。
自家製班蘭咖央多士
呢個甜品超邪惡，外邊烘得香脆但係又唔會太硬，入邊搽滿咗咖央醬同埋夾住左一塊都幾厚嘅牛油，牛油入口即溶，咖央醬嘅甜令人回味無窮。
兩個女仔食份量非常足夠，係唔錯嘅一餐。
張貼
