龍苑中菜廳

營業中

休息中

阿姨請飲茶，上完training去，親友邊吃邊等。分幾輪叫咗好多碟嘢，有啲我冇食，整體味道幾好。有個麻辣餃少見而且好味道。蝦餃啲蝦塞滿哂。炸芋角、炸春卷、煎腐皮卷全部熱燙。豉油炒腸粉好薄條條均勻上咗豉油，2歲嘅姪女自己食咗一半。另外有個鮮蝦腸粉都幾好。牛肉球太粉唔好吃。叉燒包涵係瘦叉燒，但一開始叫完成個鐘先上到，明顯漏單。素菜餃有陣輕微宿臭味。蝦醬海鮮炒飯非常香，我嫌佢鹹咗啲，但其他人都話好惹味。普洱茶都幾滑。中間侍應主動換碟。“龍苑”雖然唔係最好味道，但地點就腳，坐得舒服，服務唔錯，有折扣埋單每人唔使二百。如果一大班人飲茶，暫時我諗唔到邊間好過佢。