影片
更多
2024-02-06
36 瀏覽
今日同朋友慶生，揀咗佢最鍾意嘅鐵板燒，上網見到呢間餐廳有個午市9道菜套餐做緊優惠價，$498一位，帶朋友來試吓。前菜三小點有蒜頭漬，麻醬豆腐，煙燻雞肉。當煙燻雞肉幾特別，第一次食，雞肉是生的，但係食落唔會有腥味，淡淡煙熏味幾好味。柚子汁生果沙律沙律菜同火龍果新鮮，配埋個柚子汁酸甜清新好味道。鮮活澳洲龍蝦主角龍蝦出場，超新鮮，師傅燒嘅時候佢仲識郁。個擺盤好靚，用咗啲紫薯粉加上食用花花瓣做裝飾，感覺好浪漫。龍蝦肉爽滑鮮甜再配上師傅用用龍蝦蝦膏調製醬汁，個醬汁真係超鮮味，令龍蝦肉嘅味道更加提升，真係巨好味。食完之後，師傅陣間會用個龍蝦頭好熬湯。茶碗蒸個蒸蛋超滑溜，加上三文魚子，味道鮮甜。蛋裏面有木耳絲，口感爽，配上滑溜嘅蛋，口感有層次。美國prime 肉眼燒牛鐵板燒日本野菜燒牛肉卷我哋揀咗五成熟，薄薄嘅嫩滑牛肉包裹菇菌，夾住獨子炸蒜片一齊食，再按個人口味點上岩鹽、黑椒或者蘸酸汁，麵豉醬或者麻醬一齊食，每一口都好滿足。野菜有南瓜片，蘆筍，冬菇，蓮藕，蘸少岩鹽已經好好味。鐵板炒飯師傅用上梅子醬，櫻花蝦及銀魚仔已純熟手勢去炒飯，炒得好香，飯粒少少香脆。呢個飯可以兩食，炒飯食咗一半之後加入鰹魚湯，
前菜三小點
有蒜頭漬，麻醬豆腐，煙燻雞肉。當煙燻雞肉幾特別，第一次食，雞肉是生的，但係食落唔會有腥味，淡淡煙熏味幾好味。
柚子汁生果沙律
沙律菜同火龍果新鮮，配埋個柚子汁酸甜清新好味道。
鮮活澳洲龍蝦
主角龍蝦出場，超新鮮，師傅燒嘅時候佢仲識郁。個擺盤好靚，用咗啲紫薯粉加上食用花花瓣做裝飾，感覺好浪漫。龍蝦肉爽滑鮮甜再配上師傅用用龍蝦蝦膏調製醬汁，個醬汁真係超鮮味，令龍蝦肉嘅味道更加提升，真係巨好味。食完之後，師傅陣間會用個龍蝦頭好熬湯。
茶碗蒸
個蒸蛋超滑溜，加上三文魚子，味道鮮甜。蛋裏面有木耳絲，口感爽，配上滑溜嘅蛋，口感有層次。
美國prime 肉眼燒牛
鐵板燒日本野菜
燒牛肉卷我哋揀咗五成熟，薄薄嘅嫩滑牛肉包裹菇菌，夾住獨子炸蒜片一齊食，再按個人口味點上岩鹽、黑椒或者蘸酸汁，麵豉醬或者麻醬一齊食，每一口都好滿足。野菜有南瓜片，蘆筍，冬菇，蓮藕，蘸少岩鹽已經好好味。
鐵板炒飯
師傅用上梅子醬，櫻花蝦及銀魚仔已純熟手勢去炒飯，炒得好香，飯粒少少香脆。呢個飯可以兩食，炒飯食咗一半之後加入鰹魚湯， Wasabi，變成茶漬飯，又是另一番風味。
龍蝦味噌湯
湯味道非常鮮甜，龍蝦頭嘅精華都在湯裏面，湯熱辣辣，飲得好舒服。
紅豆大福
今餐嘅甜品係呢個紅豆大福，甜度剛好，口感煙韌。我book枱嘅時候同店員講我朋友生日，佢話會送個甜品加畫碟俾我哋。問我想畫咩公仔，我就要求要朋友最鍾意嘅布甸狗。個碟用上紫薯粉畫上布甸狗同埋寫上Happy birthday，擺盆美美的，打卡一流，朋友好開心，個蛋捲係士多啤梨味，中間仲有啲雪糕，味道很不錯。
總括而言，呢間餐廳嘅服務唔錯，店員都會主動幫我哋影相，食物無論擺盤及味道都很好味，呢個優惠套餐性價比唔錯，價錢優惠，但食材高質。餐廳其他套餐都做緊八折優惠，下次可以再嚟試吓。
張貼
