Flames (黃埔天地)

營業中

休息中

之前一直都想去觀塘試呢間餐廳，但都遇唔啱時間，難得有日行黃埔經過見到就立即入去試啦！假日除咗單點外，仲有Bruch menu 選擇，Brunch Menu嘅選擇都好多，有沙律 , All Day Breakfast, 漢堡包, 意粉,薄餅，總有一款會啱食。套餐仲會包一杯飲品，例如汽水或檸檬茶或奶茶等等，如果想飲特濃咖啡或特色飲品就要另外加錢。蟹肉巴馬臣芝士脆脆蕃茄忌廉汁通粉有忌廉同芝士煮嘅通粉，食落好Creamy，再配上酸甜嘅蕃茄，唔會感到好漏，配搭得宜。長通粉煮得剛好帶點煙韌，蟹肉份量都幾多，而且唔會食到有殼。鮮蝦香草醬薄餅薄餅切開有四塊，兩個人食就啱啱好，餅底鬆軟得來又帶點煙靭，每塊薄餅都有一隻鮮蝦，鮮蝦大隻又爽口，再配上帶點鹹味同油香嘅香草醬，食落非常香口。