影片
更多
2023-05-08
1352 瀏覽
2023年4月24日 星期一已經好耐無同老婆兩個人食自助餐，所以今晚就預約左沙田麗豪酒店既呢間餐廳食，不過去到聽店員講原來用openrice預訂可以有更多折扣，可惜我唔知，凈係去左官方網頁預訂，所以需要俾原價，每人加埋一大約六百幾蚊左右不過唔緊要啦，下次再嚟一定會拎埋折扣先入到去首先當然要睇吓海鮮區，都有幾多款海鮮，包括蟹腳、蝦、花蟹同貝殼類海鮮等等，留意到店員一見食物差唔多清空嘅時候就會立即補給，所以唔怕海鮮比其他人食晒我就試咗蟹腳、蝦同半隻花蟹，三款海鮮都好新鮮，其中蟹腳唔會太鹹，有少少海水味，而且拆出嚟嘅時候蟹肉同殼唔會黐住，可以一疏疏咁食，而蝦就好彈牙，完全無霉，仲幾鮮甜添之後燒物區有焗蠔，分別有白汁蘑菇同煙肉味可以揀，個人覺得煙肉焗蠔比較夾，因為感覺冇咁膩，而且煙肉嘅鹹香同蠔肉幾襯，如果蠔肉大隻啲會更加好至於燒烤區仲有燒羊架同燒菠蘿等等，最特別係竟然有韓式炸雞，原來咁啱餐廳做緊韓國主題，分別有唔同嘅韓國菜式，我試咗其中一舊韓式炸雞，炸漿唔算太厚，裏面既雞肉仍然好幼嫩，仲有肉汁流出嚟添，點埋韓式甜辣醬一齊食，甜甜辣辣咁，味道更加豐富至於另一款韓國菜式就係香辣泡菜芝士年糕，年糕煮
已經好耐無同老婆兩個人食自助餐，所以今晚就預約左沙田麗豪酒店既呢間餐廳食，不過去到聽店員講原來用openrice預訂可以有更多折扣，可惜我唔知，凈係去左官方網頁預訂，所以需要俾原價，每人加埋一大約六百幾蚊左右
不過唔緊要啦，下次再嚟一定會拎埋折扣先
入到去首先當然要睇吓海鮮區，都有幾多款海鮮，包括蟹腳、蝦、花蟹同貝殼類海鮮等等，留意到店員一見食物差唔多清空嘅時候就會立即補給，所以唔怕海鮮比其他人食晒
我就試咗蟹腳、蝦同半隻花蟹，三款海鮮都好新鮮，其中蟹腳唔會太鹹，有少少海水味，而且拆出嚟嘅時候蟹肉同殼唔會黐住，可以一疏疏咁食，而蝦就好彈牙，完全無霉，仲幾鮮甜添
之後燒物區有焗蠔，分別有白汁蘑菇同煙肉味可以揀，個人覺得煙肉焗蠔比較夾，因為感覺冇咁膩，而且煙肉嘅鹹香同蠔肉幾襯，如果蠔肉大隻啲會更加好
至於燒烤區仲有燒羊架同燒菠蘿等等，最特別係竟然有韓式炸雞，原來咁啱餐廳做緊韓國主題，分別有唔同嘅韓國菜式，我試咗其中一舊韓式炸雞，炸漿唔算太厚，裏面既雞肉仍然好幼嫩，仲有肉汁流出嚟添，點埋韓式甜辣醬一齊食，甜甜辣辣咁，味道更加豐富
至於另一款韓國菜式就係香辣泡菜芝士年糕，年糕煮得好煙韌，而且入晒味，咬落去有好濃郁嘅泡菜香味，而且越辣越起勁，啱晒鍾意食辣嘅人士
食食下突然間聽到店員搖鐘，原來係芝士焗龍蝦焗起，叫所有客人去拎，行過去見到成盤龍蝦擺晒出嚟，有好香嘅芝士味，熱辣辣
我哋每人要左一份龍蝦，食嘅時候，包住龍蝦肉嘅芝士同時間拉埋出黎，有少少拉絲嘅效果，令到原本龍蝦肉既味道再提升！！最後我忍唔住encore再食多兩份
甜品方面都有唔少選擇，仲有我最鍾意既麵包布甸添，於是我每款都拎左少少返去試下
首先當然要食麵包布甸，焗得岩岩好之餘又重牛奶味，同時間唔會太甜，而是日蛋糕有tiramisu，充滿咖啡既香味，反而酒味唔太出，小朋友都可以輕嘗一下
食埋甜品之後真係好滿足，食到勁飽！！
張貼
