信州日本料理

營業中

休息中

星期五放工之後同同事食晚飯當慶祝定假期，佢就話朋友好推介依間位於西環海旁既日本菜，話好想試下喎一入到餐廳，就已經覺得格局都幾有質素，裝修簡潔俐落今餐既然係同事介紹就由佢發板啦！首先嚟到既係刺生拼盤，有三文魚、甜蝦、帶子等等。食落覺得幾新鮮，特別鍾意個甜蝦，爽彈得嚟非常鮮美！之後嚟既就係蟹子沙津我地叫咗兩款唔同既手卷，我食既三文魚手卷不得了！三文魚份量多過平時出面食既好多，同埋佢入口嗰下係有油脂香氣！跟住就係雜錦天婦羅佢個蝦好有驚喜！香脆既天婦羅皮入面包住既係鮮嫩既蝦肉之後仲食咗幾樣野，不過估唔到係依個蕃茄牛肉烏冬最令我深刻印象，好好食！因為我自己都幾怕酸，點知依個烏冬既蕃茄湯係偏甜唔酸，可能係餐廳食材揀得好啦哈哈