Ha Noi 越南菜

營業中

休息中

喺尖沙咀行完街，又到左食飯時間，咁啱係重慶大廈唱完錢，就去隔籬個商場樓下睇吓有咩食，見到呢間越南嘢好似幾多人食，咁就入去試吓。越式海南雞飯$72咁啱比雞髀位我哋，開心，雞肉嫰滑得黎又有雞味。金不換豬扒炒檬粉$94超大碟份量又多，炒得好有鑊氣，啱晒我呢啲重口味嘅人。只要嗌飯類麵類可以優惠價加少食。越式炸春卷$24入面好足料，炸得好香口。上湯灼田園蔬$21法式牛油雞翼$51有四隻，好香牛油味，新鮮炸起熱辣辣，好食呀。蜜糖柑桔冰，加$12好解渴，夏天飲一流。椰汁紅豆冰，加$12紅豆幾甜同軟糯。食咗咁多嘢，都唔使$300 ，性價比真係非常之高。