漁釧 (V Walk) (已結業)

之前成日都見到唔少人去依間日本餐廳食，今次經開見到有位就決定同朋友入去試一試，價錢方面都合理，而且選擇多。牛油炒蘆筍野菌，野菌多而且幾香，牛油味如果再濃點會更好吃。鰻魚櫻蝦卷138 ，有櫻花蝦增加口感，整體份量都足。鐵板牛舌朋友都讚好，牛舌薄身但唔會好乾仲係軟熟入味，洋蔥令到味道更香口。特盛豚腩叉燒雞白湯拉麵，雞白湯骨膠源十足，义燒加選擇2/4片都係差$10，麵質彈牙不錯。劍魚腩刺身有3片，$64 都合理，油脂滿滿魚味濃郁又軟熟。鹽燒黑豚腩串，口感唔會好硬身，豚肉味幾濃。