德美壽司 (裕民坊YM²)

營業中

休息中

去年曾經食過尖沙咀分店，印象深刻，所以再次來到這家店。見有套餐幾抵食唔過一百蚊，所以今次捨棄壽司，嚐試其他菜式。雖然定食都唔錯的，但始終壽司更勝一籌。價錢確實相宜，食物美味，整體滿意。燒腐皮餃子 (自家製) $50薄薄的腐皮口感脆爽，裹著美味的餡料，再搭配著餃子汁一起享用，不油膩，味道極佳。套餐定食包括湯、沙律和甜品。麵豉湯十分好喝，沙律簡單清爽，甜品則是黑芝麻糕點，口感柔軟，香氣十足。吉列蝦什錦定食 $96吉列蝦什錦定食也十分推薦。有吉列炸蝦、吉列炸蠔和炸雞，吉列外層酥脆，內裡保持著肉汁，非常美味。搭配迷你烏冬，口感十分彈牙，配料包括粟米粒、昆布和肉片，份量剛好。咖哩吉列豬扒定食 $80豬扒厚身肉質鬆軟，炸粉厚度適中，炸皮香脆。咖哩味濃少辣好惹味，拌飯一流，汁和飯好多，食完飽肚。