潮味莊

營業中

休息中

今日由佐敦行去圖書館時，經過這間新開的潮州滷味店，反正都要食午餐，見價錢合理，所以同老公入去一試。潮州蠔仔肉碎粥蠔仔肉飽滿，每粒都脹卜卜，而且份量十足，用了大地魚湯底，味道鮮甜，完全唔腥。咸鴨蛋蠔餅蠔餅炸至金黃香脆，蠔仔肉份量足，每一啖都充滿粒粒蠔肉，而且粉漿不厚，反而有蛋香。潮式凍烏頭絕對是必食之一，$118一條正宗楊氏烏頭，平時打冷都閒閒地賣$150-160，烏頭帶點黃油，肉質雪白嫩滑，味道鮮甜。滷水拼盤拼盤款式甚多，適合我這些樣樣都想食的人，鵝腸、豬耳爽脆，豬腩肉滷得入味，墨魚很鮮爽。酥炸魚皮魚皮用來點蠔仔湯，炸得鬆脆。