龍亭

上網做左一輪資料搜集 , book 左位試下呢間人稱性價比高嘅鐵板燒餐廳 😆😆唔想諗食咩 , 我地 2 個人直接叫左入門廚師發板套餐 ($588) 沙律新鮮嘅車厘茄 , 沙律菜配意大利黑醋 , 上面係煙三文魚 , 魚子醬 , 清新開胃 😉鐵板海鮮有帶子 , 扇貝 , 東星班 , 鮑魚同蠔 , 我哋 2 個人可以揀 5 選 4, 東星班肉厚彈牙 👍👍 正 ! 鮑魚新鮮 , 口感彈牙 , 配上惹味嘅蒜蓉 , 出奇地好味 ! 扇貝大大隻 , 個汁加咗黑松露 , 好香 ! 煎帶子外脆內軟 😋😋 4 款海鮮都新鮮同埋火候掌握得好好 , 烹調方法更突顯食材嘅鮮味同口感 ! 😌😌鐵板肉類豬 , 牛 , 雞 3 選 2 😁 我哋揀咗澳洲牛柳粒同宮城厚切黑豚扒 ! 牛肉以竹炭鹽同烤蒜片伴碟 😋😋 豬扒有蘋果蓉同埋芥末 , 2 個醬都非常夾 ! 蘋果蓉清新得來又甜甜地 , 好開胃 , 豬扒充滿油香 , 一啲都唔鞋 🤗🤗 2 個肉都好高質 ! 炒飯粒粒分明 , 好香 , 入邊有好多蘿蔔粒同蔥粒 , 食埋呢個夠晒飽 ! 😎時日甜品柚子雪葩清新 , 唔會太甜 , 好好食 ! 👍👍信州蘋果梳打 ($38)麒麟啤