宴 尖沙咀

呢次試咗尖沙咀宴嘅火鍋放題，揀咗松餐菜單。整體體驗真系唔錯，環境舒服，食材質素又高，真系食得好滿足！餐廳本身環境幾好，裝修簡約有格調，座位之間夠闊落，唔會逼逼哋，食飯時候可以好放松。啱曬同朋友或者家人嚟食，一齊傾計慢慢享受。講返今次嘅松餐菜單，呢次松餐菜單真系抵玩。松葉蟹簡直系靚到冇朋友！肉質鮮甜彈牙，蟹腳啲肉咬落好有口感，配豉油湯底煮，成碗湯都多咗陣蟹香，超正。特上宮崎和牛系另一大亮點，真系不得了，油花分布好靚，一涮即熟，肉質好嫩滑，口感非常豐富，好似喺入口即溶咁，食一啖已經系無比滿足！湯底方面，我揀咗豉油湯拼豬骨湯，豉油湯底帶有少少日本拉面風味，偏甜啲，豬骨湯就濃郁又香滑，尤其煮和牛同松葉蟹，味道特別提升。時令野菜拼盤亦系放題形式，想食幾多都得，特別啱喜歡食菜嘅朋友。而且菜都好新鮮，配搭埋唔同嘅湯底，平衡咗成餐肉食。除咗時令野菜之外，餐廳仲有烏冬同米粥可以任食。另外仲有瑞穗梅美人清酒，味道清新，帶少少果香，配火鍋啱啱好，食完啲濃味肉飲一杯，好清爽，解膩一流！整體嚟講，呢餐真系好滿意，食材唔錯，環境舒服，服務又好好，有機會一定會再嚟！推薦比鐘意火鍋嘅朋友去試下～