二鍋頭 (福苑)

營業中

休息中

二鍋頭出名性價比高，今日一行四人黎放題任食，我地我揀左set B（安格斯牛套餐）。雞煲/豬手煲任食，近來仲有新野 - 火焰牛尾煲任食添（係全港首間！）梗係要試下。牛尾大大舊啖啖肉，加上玫瑰露酒再點火，酒香吸引，而且炆得好腍好入味，要左中辣，超級惹味🙌🏻食完牛尾鍋，想再食雞煲同豬手煲都得，但我就揀打邊爐。十款湯底選揀，仲有養生滋補嘅鷓鴣湯底（又係全港首間！），可以飲完再打邊爐🙌🏻 每日限量20鍋架咋。我地夜去，賣哂喇🥲揀左胡椒豬肚雞鍋，一樣好正喎。湯底雞味好濃郁，有胡椒香但唔會好辣。任食配料私心推介：✅安格斯牛板腱✅安格斯封門柳✅美國牛胸腹✅白鱔片✅脆鯇魚腩✅海蝦✅帆立貝