扇火鍋

營業中

休息中

每個月嘅第一個星期一係要食得豐富啲，朋友帶咗我嚟觀塘扇火鍋，見到人頭湧湧排晒隊原來做緊夏祭優惠，玩遊戲就可以贏取折扣仲有波子汽水放題，好吸引😍職員全部都著晒夏祭衫好有氣氛，火鍋配料區啲食物都好新鮮，蔬菜方面都好多選擇，而我最欣賞就係佢哋啲自家配製嘅醬料，款款都有特色又好味😋仲有幾款日式前菜炸物！咁耐冇食過火鍋放題，我哋就揀咗最高級別既🇯🇵日本產特選黑毛和牛+沖繩豚肉放題套餐🍲黑毛和牛嘅質素真心高質靚貨！油花分布均勻，入口即溶好滑溜、牛肉味又香濃！重點係叫到第二輪啲牛肉質素都仲係咁靚！配埋壽喜燒湯底同埋生雞蛋，好味到停唔到口！🤩豚肉都好滑溜有豬肉味！送嘅海鮮拼盤都好豐富又名貴，有磯煮鮑魚、生蠔、帆立貝，仲有巨型虎蝦真係好大隻😍全部都好鮮甜、虎蝦肉質彈牙，唔怪得知呢度咁多客人排隊嚟食啦！因為係夏祭活動，店員仲送咗好多老闆專登喺日本訂返嚟嘅金魚糖比我哋！欣賞佢哋咁用心去做好呢件事！成餐飯真係食得好開心呀！下次要帶埋小朋友去試先得🥳