茶涮涮 (已結業)

同事話之前同朋友黎「茶涮涮」食過幾好食，性價比好高，係百德新街，所以放工一齊過左去試吓呢間日式火鍋店。一入餐廳見到裝修好簡約優雅，好舒服。😍主肉盤揀左「日本A5雪室熟成和牛」，肉質軟綿綿又多汁，入口即融，不得了～😍肉盛宴牛肉「澳洲M6和牛」，和牛脂肪分佈平均，肉質軟腍多汁👍🏻「美國prime黑安格斯牛小排」，牛柳仔肉質軟綿，多汁嫩滑，好香牛肉味～😛「美國特選黑豚肉」，脂肪分佈平均，完全無膻味，肉質爽口，鮮味十足，吸埋信州白味噌和牛湯底，一個字：正！😚「日本南國元氣走地鶏」，果然係走地雞肉，肉質彈牙嫩滑，超級鍾意！😙湯底係「信州白味噌和牛湯鍋」，信州白味噌味適中帶甜，不錯不錯。仲有足料牛肉，牛味鮮甜😛！整體食物質素高，服務周到，環境自然簡潔，回頭之選！😋