影片
更多
2021-05-09
2318 瀏覽
之前有喺哩間餐廳既外賣店買過壽司返去食，知道佢開左堂食之後一直想去試下，今日出旺角行街，行完之後就拉埋朋友過去。餐廳堂食位置唔係好多，如果想食記得早啲去，因為我地入左去冇耐就已經爆滿。我自己就5點9左右去到，因為慣咗早食晚飯🤣而且哩個時間去咩餐廳都一定有位。餐牌上面既選擇好多，最後我地揀左好多嘢食😂🎈牛油果沙律🥗 $58份量好多，勁多沙律菜，仲有大半個牛油果，醬汁係日式醋汁，酸酸甜甜幾開胃。🎈晚市極尚壽司定食🍣 $148包括怪獸三文魚腩、油甘魚、龍蝦沙律伴皇帝蟹棒、帶子拖羅戀、三文魚親子、有頭甜蝦、芒果花之戀、原隻北寄貝及加州卷，贈送日式麵豉湯。三文魚同油甘魚都新鮮肥美；龍蝦肉夠爽，配埋沙律醬同皇帝蟹棒，味道唔錯；帶子夠厚，拖羅魚茸鮮甜；甜蝦彈牙新鮮；北寄貝肉質爽口。咁既價錢食到咁多壽司，而且質素唔錯，真係非常划算！🎈鰻魚吉列蠔便當🍱 $138便當份量又係勁多，有兩隻吉列蠔、半條鰻魚、沙律菜、醃蘿蔔等。吉列蠔炸得香脆，唔會乾，鰻魚燒得好香，內裏有肉汁，而且肉質彈牙。🎈素翅海蜇 $35味道微辣，海蜇同素翅都好爽口，而且加埋青瓜，口感更豐富。🎈日式炸蟹鉗🦀️ $58/4件炸蟹鉗粉漿夠薄身，肉
餐廳堂食位置唔係好多，如果想食記得早啲去，因為我地入左去冇耐就已經爆滿。我自己就5點9左右去到，因為慣咗早食晚飯🤣而且哩個時間去咩餐廳都一定有位。
餐牌上面既選擇好多，最後我地揀左好多嘢食😂
🎈牛油果沙律🥗 $58
份量好多，勁多沙律菜，仲有大半個牛油果，醬汁係日式醋汁，酸酸甜甜幾開胃。
🎈晚市極尚壽司定食🍣 $148
包括怪獸三文魚腩、油甘魚、龍蝦沙律伴皇帝蟹棒、帶子拖羅戀、三文魚親子、有頭甜蝦、芒果花之戀、原隻北寄貝及加州卷，贈送日式麵豉湯。
三文魚同油甘魚都新鮮肥美；龍蝦肉夠爽，配埋沙律醬同皇帝蟹棒，味道唔錯；帶子夠厚，拖羅魚茸鮮甜；甜蝦彈牙新鮮；北寄貝肉質爽口。咁既價錢食到咁多壽司，而且質素唔錯，真係非常划算！
🎈鰻魚吉列蠔便當🍱 $138
便當份量又係勁多，有兩隻吉列蠔、半條鰻魚、沙律菜、醃蘿蔔等。吉列蠔炸得香脆，唔會乾，鰻魚燒得好香，內裏有肉汁，而且肉質彈牙。
🎈素翅海蜇 $35
味道微辣，海蜇同素翅都好爽口，而且加埋青瓜，口感更豐富。
🎈日式炸蟹鉗🦀️ $58/4件
炸蟹鉗粉漿夠薄身，肉質亦彈牙。
🎈三文魚刺身 $48/5件
哩個簡直係成個晚餐既焦點，因為送上嚟個時係出緊煙既🤣好啱影相打卡。5片三文魚都係厚切，非常大塊，食落新鮮肥美，油脂香濃，推薦👍🏻
整體黎講，哩間餐廳既食物性價比幾高，全部都大件夾抵食，去開旺角或者太子都可以試下。
張貼
