極尚大瀛喜日本料理

營業中

休息中

又係食放題既日子，無辦法啦鬼叫我有個重度放題愛好者既朋友咩！今次黎極尚大瀛喜食，之前都食過好多次同集團姊妹店嘅放題，不過每一間店其實都有啲分別架。唔使多講，一黎梗係要食刺身啦！可惜今次竟然無左我最愛既甜鮑片囉…傷心正當我懷疑緊點解連甘基本既甜鮑片都無既時候，我竟然發現餐牌上面有得點原隻鮑魚，甘就梗係唔好錯過啦！呢個鮑魚應該係用醬汁浸過做成冷盤，味道甜甜地咁，好似帶少少酒香，而口感就好彈牙。唔知係咪因為有呢道冷盤所以冇咗個鮑片呢？！餐牌上面竟然仲有酸菜魚，諗住放題嘅酸菜魚都唔會好食得去邊，不過都叫黎試吓啦，點知又發現異常地好味湯底嘅味道都幾正宗，好似平時喺專門店食嗰啲味道。跟住落嚟壽司、多士、羊架、芝士蝦等等既當然唔會錯過啦。食到最後都真係好飽，連甜品都食唔落，食埋啲生果同飲埋熱辣辣嘅椰奶（好好飲）就滿足啦。