牧羊少年與他的浮萍

營業中

休息中

今日約左好耐冇見嘅老朋友見面 特登揀左哩間位於文化中心地下 好多人讚嘅牧羊少年試試 因為今日公眾假期 我仲特登早左黎欏位 點知可以直接入坐 仲坐到落地玻璃卡位 開心 我去過牧羊少年其他分店 哩間裝修得最靚 枱與枱之間的空間都好足夠 令人可以事無忌憚 暢所欲言野食方面 我同朋友都不約而同選擇左英式早午餐 (English Brunch) 出街食野 唔多唔少都會對食物有期望 牧羊少年果然保持到佢一貫嘅水準 冇令我地失望 食物擺盤好好 打卡一流 個阿拉斯加比目魚柳更係成個午餐嘅精粹 外面煎到好香脆 內面仍然超級 juicy！！！ 本人本身嘅炒蛋技巧好好 所以對餐廳嘅炒蛋從來都冇期望 因為冇期望就唔會有失望 但佢嘅酸忌廉炒蛋真心令我好滿意如果有人想試英式早午餐 我會建議你先食比目魚柳同炒蛋 當然其他食物也不錯的餐後當然要喝一杯咖啡作結 我點左Cafe Latte 牛奶轉燕麥奶 佢嘅咖啡豆係我鍾意嘅味道 香醇不酸 拉花圖案好可愛 我同朋友都覺得係獅子頭 哈哈總括而言 滿意餐廳整體表現 員工有禮 環境好適合一家大細 情侶拍拖 朋友聚舊 絕對推介喔