花晨月夕

同朋友慶祝生日，Book咗一間日本餐廳🥰 我地揀咗一樣嘅套餐，Omakase dusk ($588)，入邊已經有4黎刺身，6款壽司同埋烏冬，仲有麵豉湯，茶碗蒸，沙律同埋雪糕，超級豐富同埋滿足☺️刺身四品✨鮫鰈魚，新鮮爽口，加少少紫蘇葉食仲清新✨北海道紫海膽，配三文魚籽，連埋海膽個殼做擺盤，好特別✨煮八爪魚，個汁甜甜地，好有口感✨鰤魚，其實即係野生油甘魚，食落比較結實，一件火炙，一件刺身各有特色壽司六貫✨真鯛，上面有少少酸汁啫喱，調味方面十分出色，而且魚生都好鮮甜✨赤海蝦赤海膽，重量級嘅一件壽司，海蝦超級大隻好鮮甜✨目張魚，用左醬油漬既做法，魚本身比較多筋，但係用咗醬油漬嘅做法，食落雖然係比較韌，但一路食都個魚味同醬油味都好突岀✨真鯖，其實係鯖魚黎，用左油分比較多嘅部份，味道不錯✨海膽軍艦，有赤海膽同埋馬糞海膽，好鮮甜，好足料✨中拖羅，師傅揀咗偏近大拖羅嘅位置，係入口即溶得黎又唔會好膩食完咁多壽司刺身之後，整返一碗熱辣辣嘅烏冬係最好不過🤍最後甜品仲有開心果雪糕，仲有一粒粒嘅果仁碎，好味高質🤩