立鮨 (安富大廈) (已結業)

立鮨宜家有4間分店，尖沙咀、旺角、銅鑼灣、荃灣，之前去過旺角就真係立食壽司店，經過口痕想食壽司就入左去😂今次係荃灣行街食野，就揀左立鮨路德圍分店，呢間就有得坐底慢慢食野，一條長既吧枱可以睇住師傅整壽司🤓🔸令和怪物真蠔 $68成日見人打卡影既「令和の怪物」生蠔其實係來自岩手縣，size比其他蠔大隻，成隻手掌咁大，口感好順滑，味道鮮甜濃郁🦪🔸三文魚籽軍艦 $25三文魚籽多到瀉出黎，好正😍🔸特上吞拿魚盛 $170呢個有本鮪赤身露司，中吞拿魚腩壽司，大吞拿魚腩壽司，碎蔥吞拿魚腩軍艦，火炙中吞傘魚腩壽司各一件，睇見都開心，不過係朋友食既，我就自己另加左一件拖羅🙊🔸吉列廣島蠔(2件) $38加單想食下啲炸野、小食，炸蠔都算大隻喎！🔸燒蝦頭(配鮮蝦味噌湯) $15呢碗湯我真係次次都會叫，同一般味噌湯真係無得比，用左赤味噌，味道會濃郁啲，再加上燒蝦頭，香濃蝦味走晒出黎🦐🔸鰻魚櫻花蝦玉子燒(2件) $48唔想下下鰻魚壽司，就要左玉子燒，雙重美味😍🔸火炙大吞拿魚腩海苔壽司 $50我就外加左呢件壽司，火炙過之後，逼左魚油出黎，油脂感十足，一手拎住放入口，好滿足呀🥰🔸海膽壽司盛合＜期間限定＞$198有無同我一