影片
更多
2022-12-22
294 瀏覽
Badboy今次帶朋友嚟食呢間Omakase大飽口福😋我哋午市去食，揀咗Omakase Sun，即係壽司十二貫+卷物😁。環境可能因為係樓上舖嘅原因，會更有私隱度同神秘感😃前菜有麵豉湯、沙律、蒸蛋，沙律特別在用咗士多啤梨味沙律醬，酸酸甜甜淡淡嘅士多啤梨味，唔錯。而蒸蛋有幾粒菇喺入面，好香菇味。食Omakase除咗期待味蕾嘅滿足感，都會欣賞埋師傅處理食材嘅過程，badboy尤其鍾意睇師傅用火槍燒啲魚，等佢啲魚油滲出嚟嘅畫面好靚😎呢度嘅師傅會為你介紹每一款壽司同埋一啲處理手法嘅目的，真係長咗唔少知識😃開頭幾款都係唔同品種嘅鯛魚，魚味會比較淡，所以會加少少柚子糊月、黑松露、辣紅蘿蔔去吊一吊味同增加層次感，可以嘗試到唔同魚嘅口感。啲配料嘅量恰到好處，唔會喧賓奪主，反而帶出魚本身嘅鮮味😋。師傅亦有考慮到魚身唔同部位嘅特點搭配出有層次感、油脂同口感平衡嘅組合😋壽司十二貫：真鯛、金線鯛、地金目鯛、鯖魚、竹炭鹽帆立貝、深海池魚、鰤魚、右口魚x右口魚群邊、赤身x中拖羅、鰈魚鮫、馬糞海膽當中最驚喜嘅係馬糞海膽，入口即融又creamy，無腥味，好鮮甜🤤原來海膽可以咁好食😋其他魚都有幾款印象深刻，我同朋友各自有
Badboy今次帶朋友嚟食呢間Omakase大飽口福😋我哋午市去食，揀咗Omakase Sun，即係壽司十二貫+卷物😁。環境可能因為係樓上舖嘅原因，會更有私隱度同神秘感😃
前菜有麵豉湯、沙律、蒸蛋，沙律特別在用咗士多啤梨味沙律醬，酸酸甜甜淡淡嘅士多啤梨味，唔錯。而蒸蛋有幾粒菇喺入面，好香菇味。
16 瀏覽
0 讚好
0 留言
食Omakase除咗期待味蕾嘅滿足感，都會欣賞埋師傅處理食材嘅過程，badboy尤其鍾意睇師傅用火槍燒啲魚，等佢啲魚油滲出嚟嘅畫面好靚😎呢度嘅師傅會為你介紹每一款壽司同埋一啲處理手法嘅目的，真係長咗唔少知識😃
開頭幾款都係唔同品種嘅鯛魚，魚味會比較淡，所以會加少少柚子糊月、黑松露、辣紅蘿蔔去吊一吊味同增加層次感，可以嘗試到唔同魚嘅口感。啲配料嘅量恰到好處，唔會喧賓奪主，反而帶出魚本身嘅鮮味😋。師傅亦有考慮到魚身唔同部位嘅特點搭配出有層次感、油脂同口感平衡嘅組合😋
7 瀏覽
0 讚好
0 留言
3 瀏覽
0 讚好
0 留言
壽司十二貫：
真鯛、金線鯛、地金目鯛、鯖魚、竹炭鹽帆立貝、深海池魚、鰤魚、右口魚x右口魚群邊、赤身x中拖羅、鰈魚鮫、馬糞海膽
22 瀏覽
0 讚好
0 留言
當中最驚喜嘅係馬糞海膽，入口即融又creamy，無腥味，好鮮甜🤤原來海膽可以咁好食😋其他魚都有幾款印象深刻，我同朋友各自有所偏好🤭但全部都真係好新鮮，完全唔會有腥味。😋
Badboy唔算特別厚面皮，咁近距離同陌生人面對面多少會有啲唔自在，不過好在師傅幾健談🤓。 P.S. 個筷子座幾得意😂
張貼
