影片
更多
2024-04-11
28 瀏覽
經過見到呢間韓國菜啲裝修幾靚，見價錢唔貴，menu又幾啱心水，就入去試試。一人餐做緊特價$78，我同朋友分別叫咗一人便當套餐同一人炸雞套餐，再叫多咗份雞胸肉沙律。雞胸肉沙律啲肉都幾多，撈埋芝麻醬食幾好食，清新開胃。便當套餐嘅主食我哋揀咗紫菜包飯，配料揀咗烤牛肉。好鍾意食韓式紫菜包飯，有陣好香嘅麻油味，配料豐富爽口；烤牛肉份量都幾多，餐廳好細心噉畀埋烤牛肉嘅汁，甜甜地幾好食；個蛋卷都有驚喜，燒得幾靚仔，口感鬆軟，富有蛋香😋套餐包埋雜錦小食３Ｐ，即係炸帶子、炸芝士同炸春卷。春卷嘅造型幾得意，好長好大條；炸帶子外脆內軟，炸芝士又香又濃，重可以拉絲🤤炸雞套餐嘅炸雞我哋揀咗牛油蜜糖味，雞件都幾大嚿，外層香脆，中間啲肉留有肉汁，牛油蜜糖又香又甜；主食揀咗炒粉絲，炒得幾好，唔會痴埋一嚿又唔會好油，彈牙入味。跟餐叫咗芒果汁同特飲草莓乳酪梳打，杯特飲賣相唔錯，酸酸甜甜好refreshing👍🏻
經過見到呢間韓國菜啲裝修幾靚，見價錢唔貴，menu又幾啱心水，就入去試試。
一人餐做緊特價$78，我同朋友分別叫咗一人便當套餐同一人炸雞套餐，再叫多咗份雞胸肉沙律。
雞胸肉沙律啲肉都幾多，撈埋芝麻醬食幾好食，清新開胃。
便當套餐嘅主食我哋揀咗紫菜包飯，配料揀咗烤牛肉。好鍾意食韓式紫菜包飯，有陣好香嘅麻油味，配料豐富爽口；烤牛肉份量都幾多，餐廳好細心噉畀埋烤牛肉嘅汁，甜甜地幾好食；個蛋卷都有驚喜，燒得幾靚仔，口感鬆軟，富有蛋香😋
套餐包埋雜錦小食３Ｐ，即係炸帶子、炸芝士同炸春卷。春卷嘅造型幾得意，好長好大條；炸帶子外脆內軟，炸芝士又香又濃，重可以拉絲🤤
炸雞套餐嘅炸雞我哋揀咗牛油蜜糖味，雞件都幾大嚿，外層香脆，中間啲肉留有肉汁，牛油蜜糖又香又甜；主食揀咗炒粉絲，炒得幾好，唔會痴埋一嚿又唔會好油，彈牙入味。
跟餐叫咗芒果汁同特飲草莓乳酪梳打，杯特飲賣相唔錯，酸酸甜甜好refreshing👍🏻
張貼
