House of Joy Oyster Bar and Restaurant

營業中

休息中

我同朋友食到咗人生最好食嘅西餐，第一次食就迷上咗佢嘅食物，就覺得應該寫食評嚟讚吓呢間House of Joy Oyster Bar and Restaurant。美國頂級牛腹肉12安士⭐️⭐️⭐️⭐️鮮紅色嘅賣相睇落就好有食慾。牛肉帶有適當嘅油脂，食起嚟鮮味濃郁，嚼勁十足而且肉汁豐富，口感極佳。慢煮法國鵪鶉配鵝肝意大利飯⭐️⭐️⭐️⭐️⭐️非常好食！法國鵪鶉味道香香甜甜，肉質十分柔軟細緻。鵝肝口感獨特，入口後能感受到細膩絲滑，無需嚼勁，融化喺口中。法國生蠔⭐️⭐️⭐️⭐️竟然只係$10一隻，當然要瘋狂落單。生蠔仲用冰嚟保鮮，味道鮮甜，口感更加一流，好軟滑，食到吮手指。我覺得呢度嘅食物都係經過廚師精心烹飪，每一道菜都將各自嘅特色發揮得淋漓盡致，真係好值得食。