牛牛日式火鍋放題 (北角匯二期) (已結業)

今日同朋友去北角滙食日式火鍋，佢地都有好多湯底選擇，我地叫咗日式雪場蟹紙火鍋套餐，包括有蟹拼盤，都幾抵食。骨膠原豬骨鍋傳統山椒味噌鍋呢2款湯底都幾特別，係用紙裝住湯式，好有特色，豬骨鍋好濃郁，而山椒味噌就辣度啱啱好，好惹味。蟹拼盤都幾豐富，有好粗嘅蟹腳，食落好鮮甜，有蟹糕，份量都幾多，好有蟹嘅鮮甜味，有茶碗蒸，好嫩滑，仲有炸蟹鉗，炸得好鬆脆，仲好彈牙，好味。佢地d牛種類都幾多，有澳洲和牛，丹麥牛小排，封門柳，澳洲黑安格斯，極上牛舌，食落好淋滑，好重牛味，脂肪分佈均勻，正佢地嘅海鮮都好新鮮，鮑魚仔，青口，大蝦，每款都唔錯。佢地嘅熟食都幾好，有多款選擇除咗QR code落單嘅野食之外，出面仲有好多熟食，火鍋配料，飲品同雪糕，款式都幾多。