老厝邊

營業中

休息中

又到食飯時間，經過呢間台式餐廳，個鋪頭名好特別，睇睇餐牌，都唔算貴，就決定入去醫肚。香噴噴炸雞排便當，上菜果時真係嚇親，塊炸雞排勁大塊，即叫即炸熱辣辣，個外皮炸到脆卜卜，但個皮又唔算太厚粉，入而d雞肉仲係好嫩好多汁，入口外脆內嫩，d雞肉仲好juicy,唔錯。紅糟肉便當，第1次食紅槽，原來係甜甜地，而d肉係豬肉，都炸得好香脆，配埋個紅槽汁好夾，便當仲有3款配菜同滷蛋，非常豐富。起司肉鬆蛋餅，蛋餅外皮煙煙韌韌，d涵都非常多，勁又多肉鬆同芝士，食到停唔到口。珍珠茉莉奶綠，茉莉茶味好特出，味道唔算好甜，d珍珠做得幾好，好煙韌。柚子芒果沙冰，夏天消暑一流，柚子味同芒果味都好香，唔太甜，飲落涼浸浸。