申子居酒屋

營業中

休息中

今日再訪旺角嘅申子居酒屋，餐廳環境舒適，同朋友去試咗佢哋嘅午市套餐，嗌咗牛肉壽喜燒同雙層手打和牛漢堡丼，午市套餐推六折優惠，性價比真係高到爆～另外仲叫咗個一口芝士黑豚卷，三重芝士，好滿足！午市套餐仲有前菜，包括麵豉海帶湯、玉子同番茄仔。麵豉湯香濃，飲完暖晒心！玉子軟滑，番茄仔酸酸甜甜，開胃一流！🥘牛肉壽喜燒份量好足，牛肉片嫩滑，入口即化，配上濃郁嘅壽喜燒汁，仲有滑嫩嫩嘅豆腐同爽口嘅蔥段，食落暖笠笠，超滿足！湯底好濃郁，啲牛肉同蔬菜吸晒湯汁嘅精華，味道層次好豐富！🥩雙層手打和牛漢堡丼和牛漢堡扒煎得外脆內嫩，肉汁爆晒出嚟，配上白飯同新鮮嘅蔥絲、蛋，食落好有層次感。