影片
更多
2022-09-28
593 瀏覽
亞萊泰 Aroi Thai📍天水圍天華路33號T Town北翼N211號舖每次同屋企人食飯諗唔到食乜，都會嚟T Town搵食，因為呢度嘅餐廳都算多元化同多選擇。比較多去食嘅有呢一間泰國菜，早午茶晚餐我哋都試過喺度食，今次同大家介紹嘅係晚餐。 💰$88泰式小食拼盤 🍤🍢呢個小食拼盤有泰式春卷、蝦餅、魚餅同鳳凰丸(即雞肉丸)各一件，每件都有分成半份上碟，味道各有千秋但我認為分別不太，無邊樣留有特別深刻嘅印象，食落都係好彈牙嘅炸物。 💰$88泰人大頭蝦冬蔭湯 🌶🍲呢個冬蔭公湯有兩邊大蝦，菇同一大堆香料，睇顏色都知會有啲辣，飲落會feel到喉嚨有啲麻麻嘅感覺，唔係太食得辣嘅我飲完都要即刻飲返幾啖椰汁解一解辣。雖然味道偏辣，但係佢嘅香係會令人飲上癮，惟一美中不足係佢有好多辣椒碎，所以飲嘅時候要就住就住，如果唔係卡住喺喉嚨就有排你咳。 💰$178泰式酸梅肉碎明爐烏頭 🐟食泰國菜必叫嘅除咗冬蔭公，當然唔少得明爐烏頭。我哋揀咗呢款酸梅味，無揀到青檸味嘅烏頭試下，魚都幾大條，魚肉唔會梅，食到鮮甜味，有個爐熱住就唔怕凍咗會腥啦！ 💰$11818吋軍艦咖哩海中寶 🥘🥖呢間泰國菜其中一樣signature d
📍天水圍天華路33號T Town北翼N211號舖
每次同屋企人食飯諗唔到食乜，都會嚟T Town搵食，因為呢度嘅餐廳都算多元化同多選擇。比較多去食嘅有呢一間泰國菜，早午茶晚餐我哋都試過喺度食，今次同大家介紹嘅係晚餐。
[價錢 Price]
💰$88
泰式小食拼盤 🍤🍢
呢個小食拼盤有泰式春卷、蝦餅、魚餅同鳳凰丸(即雞肉丸)各一件，每件都有分成半份上碟，味道各有千秋但我認為分別不太，無邊樣留有特別深刻嘅印象，食落都係好彈牙嘅炸物。
[價錢 Price]
💰$88
泰人大頭蝦冬蔭湯 🌶🍲
呢個冬蔭公湯有兩邊大蝦，菇同一大堆香料，睇顏色都知會有啲辣，飲落會feel到喉嚨有啲麻麻嘅感覺，唔係太食得辣嘅我飲完都要即刻飲返幾啖椰汁解一解辣。雖然味道偏辣，但係佢嘅香係會令人飲上癮，惟一美中不足係佢有好多辣椒碎，所以飲嘅時候要就住就住，如果唔係卡住喺喉嚨就有排你咳。
[價錢 Price]
💰$178
泰式酸梅肉碎明爐烏頭 🐟
食泰國菜必叫嘅除咗冬蔭公，當然唔少得明爐烏頭。我哋揀咗呢款酸梅味，無揀到青檸味嘅烏頭試下，魚都幾大條，魚肉唔會梅，食到鮮甜味，有個爐熱住就唔怕凍咗會腥啦！
[價錢 Price]
💰$118
18吋軍艦咖哩海中寶 🥘🥖
呢間泰國菜其中一樣signature dish就係嘅個海中寶，佢係將黃咖哩海鮮倒滿一條長18吋嘅潛艇包，食嘅時間再將包切件，夾住咖哩一齊食，原理同咖哩蟹包一樣。佢嘅黃咖哩偏甜同杰身，可以好輕易用麵包沾住嚟食。海鮮方面有魚塊、蝦、魷魚等等，都算豐富，而且適合多人分食，推薦俾唔食得辣或多人群組食。
[價錢 Price]
💰$88
蝦頭油海鮮炒飯 🦐🍚
海鮮量多，用料唔馬虎，有大大隻嘅蝦同魷魚等等。飯底炒得香同夠鑊氣，米飯亦粒粒分明，推！
泰國菜嚟講，呢間餐廳嘅食物質素同價錢屬中上，不過同午餐或下午茶比，晚餐就有啲偏貴，無咁抵食。話雖如此，我同屋企人大概個零月都會食一次，算係性價比ok嘅餐廳。
張貼
