華記潮州滷水車仔麵

營業中

休息中

約完朋友冇野做，邊行邊搵嘢食，見到呢間車仔面好多人等外賣就入去一戰，結果好驚喜！可以點出面好少有嘅牛雜牛雜，出面一般好少高汁牛豬雜（就算牛雜店），叫咗牛肺同牛膀，食落煲得夠淋，而且好入味！豬手一樣唔會好硬食緊橡膠咁！牛筋都好好味，有種入口即化感覺。最重要嘅係呢間車仔而餸嘅份量相當之多！我一個大男人都食到好飽👏👏講埋湯底，一般出面靜係俾你揀一款湯，再加腩汁咁，但呢度見佢app落單嘅餐牌有款寫住「推薦」嘅重口味所有汁，試咗真係夠濃味，好啱我呢啲重口味人士，不過建議叫小辣試咗先，都幾辣。