華記潮州滷水車仔麵

今日專登去試咗碗潮州滷水車仔麵，揀咗招牌嘅豬雜麵配幼麵，食完覺得相當滿意。個滷水汁絕對係精髓，色澤深沉但入口溫和，鹹度恰到好處。香料味好豐富，食完成個口都係甘香餘韻，證明個滷水膽夠晒火候。豬雜份量十足，有齊豬腸、豬肚、豬脷同豬肺。最值得讚係處理得乾淨，完全無異味。豬腸滷到軟淋入味，豬肚就保持到爽脆口感，一淋一爽，層次好豐富。今次特別揀咗幼麵，麵質爽口彈牙，比油麵更能掛起滷水汁，每啖都食到湯汁同麵香嘅完美結合。幼麵索汁能力強，但又唔會過淋，同濃郁嘅滷水出奇地夾。整體來講，由滷水汁到豬雜再到麵底，每個細節都做得好好。味道傳統得來夠晒平衡，食完成碗真係好有滿足感。鍾意食滷水嘅朋友，呢碗豬雜麵絕對值得一試。…Read More

落咗單叫外賣，同佢講Number阿姐俾我，返到屋企發現阿姐比錯電話已經聽到佢哋話我自己拎錯，我想講點解我講Number阿姐俾到我？係佢親手拎俾我，唔係我自己喺枱上面拎，佢唔使對Number?好啦之後，我話返嚟換，都唔使佢送過嚟，開頭佢又話收舖，叫我第二日，咁我同佢講我住火炭都出嚟你唔等我？然後佢話好啦叫我出嚟拎，我出到嚟嘅時候佢係將啲嘢擺喺地下，間鋪收咗，外面仲落緊大雨咁樣嘅服務態度，外賣食物係擺喺地下，大家諗吓食唔食…Read More

我近排網上見有人推介 我就交假去試試 我通常會睇埋open rice既評語既 同 好食唔好食既分數既 今天有時間終於試過野食以食物個價其實係不錯 咁服務既態度上亦唔係評語所講既 我今日都未遇到唔好既服務 我會再黎食🙂…Read More

在太子旺角附近，看網友推薦而來。麵的選擇很多，推薦牛腩還有蘿蔔，蘿蔔僅在湯裡很好吃，很juice。湯底選擇了滷水汁加腩汁，面選擇了我愛的米粉。兩餸完全夠，三餸有點多了。第二次嘗試了肉丸也好吃！朋友點了清湯，他也很愛！…Read More

地方較細。飲品種類少，食物種類不算太有特色。要牛腩但又硬又柴，兩碗麵共有十幾嚿只有一嚿可以咬得入，其他的沒有一舊能咬下去😤感覺就是煮得未夠時間，就給客人吃。雞翼尖都是未夠入味。蘿蔔算是入味，但每個都有渣。咖喱大魚蛋只有外邊有顏色但沒有味道。湯底非常一般味精多。其實車仔麵本身就是平民食物，只要很用心製作，客人一定會感受到的。絕對不是香港最好吃的車仔麵，對我來說10名不入。吃過一次就算了不會再去😑…Read More