華記潮州滷水車仔麵 (民興大廈)

營業中

休息中

講開食車仔麵就會諗起，香港經典嘅周星馳電影食神裏面嘅火雞姐！車仔麵以前又名“那渣麵”，總之就係立立雜雜，咩都有。以前食車仔麵係一件好平好抵食嘅事，而家落深水埗食碗車仔麵叫幾個餸分鐘都要100蚊呀！今日嚟到呢一間門口大排長龍嘅華記潮州鹵水，就嚟試一試佢咁出名嘅鹵水咖哩汁辣椒油同埋那渣麵啦！值得一齊嘅就係佢呢度有一款成日都畀人叫做阿bob面嘅😆因為有明星阿bob加持過😆作為最鍾意食肥腸嘅人梗係要食一食佢個豬雜麵啦！🐖豬雜麵重口味中辣汁真係唔講得笑，真係辣到飛起呀！不過就係鍾意呢種咁爽嘅感覺而佢嘅豬雜裏面有豬心、豬脷、豬橫脷、豬潤、豬大腸、豬粉腸！可能係我食過嘅豬雜裏面最齊嘅一間，好彩佢冇豬腰因為我本身都係唔食豬腰嘅😆佢個湯底加咗咖哩汁再加埋辣椒油再加埋腩汁再加埋鹵水汁真係不得了，真係好辣呀😆🍜三餸車仔麵都係幾十蚊一個唔會好貴可能平過出去食個lunch，叫咗雞翼大魚蛋同埋雞腎，鹵水雞翼都幾入味唔會好濃口！大魚蛋幾好食畀爽口，雞腎就覺得略嫌佢硬咗少少！原來唔食辣嘅湯底都幾好食㗎喎！湯頭好甜呀！🦑新鮮魷魚鬚呢個超讚啦咁平嘅價錢有咁大碟！裏面有啲炸香嘅花生，撈上秘製嘅辣汁，非常惹味！🦐酥炸太陽餅太

冬天特別容易餓，行過經過間有人排隊既車仔麵，我就跟風排隊，估唔到真係有驚喜🤭 讚呀「牛雜麵」乜牛都係哂裡面，香濃牛味，我仲自選加滷水汁，更有味道，內臟爽脆👍🏻仲有我最愛的牛根🤭「新鮮魷魚鬚」熱辣辣，好香口的，野味👍🏻「涼拌生腸」這款是冷盤，正呀「三餸車仔麵」油麵，牛筋，春卷，雞中翼，咖喱汁，有好多款式給我選擇，最欣賞有咖哩汁加，令味道緊加出，牛筋爽軟，雞中翼入哂味🥳「大和豆漿」最後跟餐仲加左豆漿，好耐無飲了👍🏻日

心目中嘅車仔麵天花板 😌 次次去到門口都有一條隊，雖然都唔係等好耐，但係成日都心諗“可唔可以唔好咁多人識呢間嘢，唔想次次都要排隊呀” 🤣作為一個濃味人，最鐘意係佢地個重口味推薦（全部汁），不得了！有齊滷汁、咖喱汁同腩汁！同第二度d車仔麵豉油湯唔同，呢個更有層次。麵底又唔會煮得過腍，餸嘅選擇又多，最正係有🐮🫁 食得落一定要試埋佢地個太陽餅，超讚 💯 另外佢個魷魚鬚都好出色，如果幾個人嚟食，可以叫埋你share😋真係唔好俾條隊嚇親，佢哋流量好快，所以唔會等得超誇張。

好耐無食過太子華記潮州滷水車仔麵三餸車仔麵（蘿蔔底，牛筋，牛肺，牛膀，滷水汁）：個人超愛這個組合三餸車仔麵（蘿蔔底，牛筋，牛肺，牛膀，滷水汁）！蘿蔔底清甜入味，完全吸收了滷水的精華，卻依然保留自身的爽甜，牛筋軟嫩 Q 彈，入口即化，膠質滿滿，個人超喜歡它的嚼勁和濃郁牛香。牛肺呢口感綿密細膩，滷得相當入味！=牛膀滷水味完全滲入其中，咬下去還會爆汁，三款配料加上香濃的滷水汁，欲罷不能！新鮮魷魷魚鬚.超讚！首先份量十足，而且隻隻都非常新鮮肥美。入口爽脆彈牙，鮮味十足，完全沒有一點腥味，調味調得好惹味, 口感一絕！豬雜麵這碗麵真的高質，豬雜份量給得慷慨，有豬肚、豬腸、豬心、豬腰等等，每一樣都處理得非常乾淨，沒有任何異味。豬腸爽脆，加上爽滑的米粉和香濃的滷水汁，整碗麵的味道層次豐富，讓人回味無窮。太陽餅（蝦餅5件）： 太陽餅，金黃酥脆，每一口都有驚喜！內裡的蝦肉鮮甜彈牙，鹹香惹味，個人超喜歡!華記潮州滷水車仔麵 太子大南街74號地舖#華記潮州滷水車仔麵 #太子美食 #車仔麵 #滷水 #魷魚鬚 #豬雜麵 #太陽餅 #香港美食 #地道美食

今日嚟到太子當然要試試啲地道美食啦呢間車仔麵好多明星嚟食朋友都話好正㗎我見好多選擇全部都係鍾意食嘅嘢於是今晚晚餐就交俾佢啦唔想排隊就要早啲嚟啦現場見到好多街坊等位有唔少人買外賣坐低即刻揀咗啲心頭好牛腸好正入邊好大一圈！咬落火候啱啱好豬什麵都好大碗竟然有豬舌啊豬腸啊食落都好腍我哋都鍾意食無論豬雜定係牛雜都絕非平時隨便搵一間麵檔可以食到而且份量都好多非常抵食！小食我最推介嘅係魷魚鬚香香辣辣撈埋啲芫荽好惹味

華記潮州滷水車仔麵所出品滷水車仔麵真係好好味！價錢實惠！份量好足！難怪長期排長龍！更有麵劵派比於有需要人士🩷食麵之餘又意義！⭐️豬雜麵⭐️一次過食到豬脷、豬膶、豬肚、大腸、生腸、粉腸多款豬雜！完全無內臟膻臭味道👅口感爽脆配上招牌滷水汁、腩汁湯底！湯頭清甜🌟三併車仔麵 ⭐️多款式自由選：簡左粗麵併牛筋、牛肚、豬手湯底：重口味推薦👍🏻腩汁、滷水汁、咖喱汁三款湯底全部都食到～微辣惹味！🌟太陽餅⭐️用上鮮蝦製成黃金蝦餅！香脆可口蝦肉彈牙⭐️新鮮魷魚鬚⭐️加入芫茜、花生同秘製辣汁而成新鮮魷魚鬚口感豐富食唔停口華記潮州滷水車仔麵📍太子界限街34號民興大廈地舖

逛街後，特意到華記吃車仔麵。仍然一如以往，很多客人在排隊把整條路擠得水洩不通。我們排了大概20分鐘才能入座。三種餸麵牛腩、牛肚和春卷。粗麵的質感彈牙，粗麵盡吸濃郁的湯汁，非常惹味。牛腩的肉質鮮嫩，脂肪與瘦肉的比例剛剛好，咬下去時充滿肉汁。牛肚則口感滑順，略帶嚼勁。春卷則外脆內嫩，值得一提是麵底很多，十分大碗，實在豐富。牛什麵牛什麵同樣出色，麵條吸收了湯汁，讓每一口都充滿濃厚的牛肉香氣。牛心、牛肺、牛肚、牛腸及牛膀等都非常入味，口感嚼頭一流，湯底的味道濃郁，但不會過於油膩，恰到好處的鹹香讓人吃過不停。新鮮魷魚鬚魷魚鬚醃製得非常入味，鮮嫩爽彈，每一口都能感受到魷魚的鮮香，搭配特製的醬汁，一大碟的，還有伴碟的花生也十分好味。太陽餅（蝦餅）蝦餅外脆內嫩，蝦膠內還有原隻蝦！蝦肉鮮甜美味，蘸上酸甜醬汁，味道在嘴中綻放。大和豆漿  我們還加配了豆漿。豆漿滑順細膩，淡淡的豆香與車仔麵的重口味形成了絕佳的平衡。華記的車仔麵食物仍然保持水準，令人齒頰留香。怪不得來這裏吃的客人絡繹不絕。

華記潮州滷水車仔麵是一間港式地道車仔麵店，每日開舖前已經有客人排隊等位入座，受歡迎程度可想而知，店內地方不算大，但簡潔整齊。其主打是以秘製潮洲滷水汁，用了有超過10年歷史的滷水膽，再每天加入八角、香葉和桂皮等香料，車仔麵配料浸滷水汁超過12小時，非常入味。3餸車仔麵：湯底揀重口味，落齊清湯、滷水、咖喱汁，辣度揀少辣，個人都覺得幾辣。豬紅、豬皮入味，巨型魚蛋大大粒好彈牙。麵底揀咗米粉，吸收湯底後食爽口惹味，另外佢哋會加大量的芫荽和蔥，增加香味。豬什麵：大大碗份量十足，湯底揀咖喱汁，豬什鹵得好入味又夠腍，有豬脷、豬橫脷、生腸、豬粉腸、大腸、豬膶、豬心等，配上彈牙麵條，令人滿足的美食享受。新鮮魷魚鬚：份量都好多，佢哋嘅醬汁辣得黎又幾惹味，魷魚鬚都好爽口，配料仲有芫茜同香脆花生，味道同口感都好豐富。太陽餅：即叫即炸，外層脆卜卜，每舊饀料都食到原隻嘅蝦，配埋酸辣醬，越食越開胃！大和豆漿：採用黃豆製造，成分天然健康，香濃可口。雀巢檸檬茶：新鮮果香同清爽紅茶慢慢回甘，口感清新。

豬雜麵🐷$58有啲估唔到，都真係幾大碗😝而且勁多料，有豬脷、豬膶、豬肚😜仲有大腸、生腸、粉腸等😎麵嘅選擇都唔少，呢碗就叫咗米線🍜湯底就揀咗重口味推薦，即係全部汁都有😚鍾意食內臟嘅，呢個配搭絕對一個好選擇😛三餸車仔麵🍜$52另外叫咗一款自選三餸😛餸嘅款式同選擇都幾多😌結果就揀咗五香牛腩、五香牛肚同牛筋🐮牛腩肥瘦適中，而且夠軟夠腍又夠香😚牛筋煮得夠軟嫩，口感煙韌😝牛肚入口堅韌有嚼勁，又夠入味😋太陽餅（蝦餅5件）🦐$43新鮮即炸，夠晒熱辣辣😋外層炸到金黃香脆，酥脆可口🤩入面嘅蝦肉夠爽夠滑🥳真係食完一件又一件😙新鮮魷魚鬚🦑$50魷魚鬚夠晒爽口😏配上芫茜同花生嘅襯托😙加上秘製嘅醬汁😝食落有少少辣，但辣得又幾過癮🌶️王老吉😎$11大和豆漿🥛$11

自從搬遠咗之後就好少返嚟呢頭食華記，趁星期日就返嚟過過口癮😆！一嚟到見到條龍勁長，好彩佢換枱速度都好快，等咗一陣就有位啦☺️★̆̈ 三餸車仔麵 $59 五香牛腩同蘿蔔絕對係必點，牛腩好腍又入味，蘿蔔煮得啱啱好，吸晒滷水汁嘅精華，味道一流！大腸亦好有咬口，配埋少辣嘅腩汁同秘製潮州辣椒油，味道非常濃郁，推薦重口味（全部汁：清湯、滷水汁、咖喱汁、腩汁）💯！★̆̈ 牛雜麵 $48 牛雜入味又唔腥，份量足夠，配埋滑溜嘅麵條，簡單又好味！👍★̆̈ 太陽餅（蝦餅5件）$43 蝦餅外層炸得金黃香脆，咬開裏面真係有蝦！份量啱啱好，做小食一流，值得一試！🦐✨★̆̈ 新鮮魷魚鬚 $50 魷魚鬚非常新鮮，口感滑溜溜又彈牙，個汁非常入味，簡單但非常滿足！🦑💛

華記潮州滷水車仔麵 今日喺太子附近行行下經過呢間舖頭，俾佢店外出面有好多人等取外賣吸引咗，入到去環境主要以懷舊拼色牆身設計🟢🟠，同時貼上實物相介紹招牌菜。個日我就嗌左三餸米線（五香牛腩，牛肉餅＆胡椒豬肚丸😆，屋企人就嗌左牛什河粉（牛腸、牛膀、牛肺 & 牛肚）😚，小食方面就叫左太陽餅(蝦餅)同埋新鮮魷魚鬚。飲品提供方面當中有汽水 、檸檬茶 、清涼爽 、烏龍茶 、豆漿 、王老吉 ＆啤酒等選擇。 人均大約係$105 左右💰～

太子有間人氣車仔麵，華記潮州滷水車仔麵是一家擁有悠久歷史的滷水車仔麵店，以傳統的潮州滷水口味聞名。未開舖已經有人排隊等位，如此受歡迎，當然要過嚟試吓，餐廳環境舒適潔淨，用手機QR code落單，快捷又環保。湯底有清湯、滷水汁、咖哩汁、牛腩汁，以及重口味專用的全部汁。而麵條則有油麵、粗麵、細麵、米粉、米線、烏龍麵、出前一丁。店內的五香牛肚、太陽餅、韭菜豬紅和新鮮魷魚鬚都是必試的招牌小食。豬雜麵：幼麵丨咖喱汁材料有豬脷、豬橫脷、豬心、豬潤、豬大腸、豬粉腸、豬生腸。豬雜非常鮮嫩可口，件件切到大小適中，容易入口，尤其係豬腸，清洗乾淨，厚身而且留有少許脂肪，味道更咁香，湯底是滷水，整體味道濃郁，加上咖喱汁，味道香濃得來不過鹹。幼麵彈牙。三鎹車仔麵｜米粉｜豬紅｜豬皮｜大腸|咖喱汁所有車仔餸都滷得好入味，豬紅嫩滑，豬皮爽口，米粉吸收咖喱湯汁爽口惹味。所有麵食都會加芫茜同蔥花，令到成碗車仔麵味道更豐富，如果唔想加，落單前可選擇唔要。新鮮魷魚鬚軟硬適中，加上自製辣汁，味道微辣刺激。太陽餅即潮州傳統「月亮餅」，每塊魚肉中都夾著一隻鮮蝦，配甜辣醬食，鮮甜惹味。大和豆漿口感絲滑，同時保留鮮萃大豆香，味道出色。

車仔麵係香港🇭🇰地道美食，款式可自由配搭，好味又抵食。 全港車仔麵店多不勝數，華記係其中一間車仔麵店表表者，不少明星都曾是其座上客。當日經過華記，人龍不太長，我哋趁機走進內叫了三餸碗車仔麵 、豬雜麵、 太陽餅和新鮮魷魚鬚嘆吓囉。三餸車仔麵 湯底選了清湯， 味道清甜，配上蘿蔔、雞中翼，巨型魚蛋和幼麵。蘿蔔清甜冇渣，雞中翼大大隻，肉質嫩滑， 滷水香味濃郁又不會死鹹死甜，不錯。魚蛋巨大，爽口彈牙。 每道餸都有起碼三至四件，非常十足。 好飽肚。豬雜麵湯底選了滷水汁，香味濃稠帶甜且不鹹，食完都不會覺得口渴， 豬什有豬大腸、粉腸、豬潤、生腸和豬脷。豬大腸洗得乾淨炆得腍，亦保留腸中油脂，令到大腸入口更香更爽。粉腸有咬口冇渣，而豬潤厚度恰當，爽口粉嫩冇血水，食落亦冇腥味。生腸爽滑滷水陳香味濃，豬脷鬆嫩。 誠意十足， 喜歡食內臟嘅朋友，不妨一試！太陽餅太陽餅係鮮蝦肉混合墨魚肉混合而成嘅蝦餅，炸得外皮香脆，餡料十足且新鮮，配埋泰式甜辣醬汁， 甜甜酸酸， 好惹味，正👍！新鮮魷魚鬚鮮墨魚鬚爽口彈牙，配秘製辣油 和醬汁，以及 放了大量芫荽蔥花，香口惹味。份量亦十足， 值得一試！順帶一 提，喜歡食辣嘅朋友，一定要

🐝太子|全港最正車仔麵成日都超多人排隊既車仔麵。一定要揀全部汁，少辣已經有一定辣度，湯底超正，係滷水汁，咖喱汁，腩汁，同清湯混合，好重口味，好正！每款麵都有得揀爽麵定淋麵！個人中意食爽麵。牛雜麵 $56 8/10油麵| 爽麵 | 全部汁 少辣有好多款牛雜，有牛肚，牛小腸，牛大腸，牛肺，牛膀。牛小腸同牛大腸好少係出面見到。牛小腸好驚喜，一咬落去，有超級香既牛香味，超級中意，一定要食。牛大腸望落去好恐怖，好多脂肪，但係咬落去又唔會太過油膩，同樣牛味超級香。牛雜麵有得揀走肺同走膀，我平時唔中意食呢兩樣嘢，覺得內臟味太濃，但係呢度既牛膀牛肺都冇乜內臟味！牛膀仲吸曬d湯汁幾好食。牛肚好厚好大條。餸既份量都幾多。油麵同湯底幾夾👍🏻四餸車仔麵 $60 8/10出前一丁|爽麵|五香牛腩 |豬皮|雞腎|大腸|全部汁 少辣出前一丁朔晒啲湯汁，好濃，個人覺得有少少鹹，中意油麵多啲。豬皮朔晒啲汁，好正。豬大腸好好食！雞腎同五香牛腩正常好食。但係內臟真係太出色，建議食內臟嘅人，一定要試。餸份量幾多。太陽餅（蝦餅5件）$43 6.5/10月亮蝦餅嘅迷你版，新鮮炸起，好脆，蝦肉彈牙，正常好食華記潮州滷水車仔麵

帶外國朋友品嘗香港第一彈！人氣長龍車仔麵！今日帶左個外國朋友黎試下香港有名既地道美食，華記由朝排到晚，係好出名既地道美食，一於介紹比佢！三餸車仔麵 - 52由於食左野無耐，叫左韮菜底，五香牛腩，蘿蔔，冬菇，腩汁。牛腩好入味好腍，唔係好肥，每一啖都係牛肉，正！冬菇有少少細粒但都好入味，蘿蔔超大舊，已經浸到入味，入口好軟腍而無渣，一定要叫！腩汁湯底比較重味，帶少少甜幾唔錯！牛雜麵 - 48牛雜麵有各種牛雜，牛肚煮到剛剛好，有咬口之餘完全唔韌。牛肺大大舊，牛膀幾新鮮，d 腸真係肥！好有滿滿既油脂真係邪惡到爆！正呀！新鮮魷魚鬚 - 50超級惹味！魷魚鬚非常爽口彈牙，配有大量炸花生粒，加上秘製辣汁同埋芫荽蔥花，香口之餘又惹味！50蚊有甘大碟甘高質既魷魚鬚，真係必試！酥炸太陽餅 - 43太陽餅係炸鮮蝦餅，炸到外皮香脆，入面有大量蝦肉！配埋泰式甜辣醬，脆口之餘又係甜甜地辣辣地！正！