信州日本料理

營業中

休息中

今次係朋友之前食過話好正而帶我黎既，呢間餐廳喺堅尼地城地鐵站附近，好易搵，喺正海邊轉角。入去環境唔錯，地方好舒服，d枱 spacing 幾好，當日去幾乎full house都唔覺嘈。service 超超超級好，serve 我地嗰個仲幾型幾靚仔，每serve 一道菜都會細心解釋佢既產地，煮法，食法。首先上既係薄切鯛魚刺身。本身都鍾意食魚，每次去日本餐廳都會嗌d時令魚刺身。今次佢呢個魚鮮味唔錯，佢個柚子sauce同個魚好夾，配埋d葱花，好fresh，值得一試。之後就係我既至愛清酒煮蜆la。基本既無沙石，隻隻開始有肉佢做到，比較其他地方佢更勝一籌既係隻隻肥美，清酒醇度配合得好好，因為我好怕太多酒味搶哂focus，又或者變左做清水煮蜆。杉板紙牛脷就係今晚另一重點推介。師傅用慢煮手法先令牛脷入味，再喺上碟前煎香，配埋個白面豉醬，香口之餘，好juicy 。