影片
更多
2022-03-03
175 瀏覽
喰楽係位於觀塘工業區嘅一間隱世壽喜燒餐廳，雖然係小店，但食物質素同服務態度比得上出面啲過江龍專門店，且價錢相宜，性價比超高😚🌟餐廳得4張枱，黎之前記得要提前預約🌟午市menu得5個壽喜燒窩定食同1個牛肉丼選擇，而晚市menu得5個壽喜燒燒肉餐選擇🌟我同朋友黎食晚市燒肉，上菜嗰時店員會續一介紹啲前菜，和牛同野菜，全程都有人幫我地燒，我地淨係負責食😂🌟餐廳裝潢偏日本和風，店舖雖小但五臟俱全，枱同枱之間嘅距離闊落，仲有有屏風分隔，唔洗怕比隔離枱嘅人望住自己醜陋嘅食野姿態😂私人隱度唔錯，整體格局同室內設計令人覺得幾舒服🥰今次我地2人同行，嗌左兩個D餐——澳洲產m9和牛&日本產A5和牛(total 300g , 150g@1) 💁🏻♀️前菜有貝柱刺身，番茄蘿蔔同章魚小丸子味嘅雞卷。貝柱刺身幾鮮甜，雞卷酸酸甜甜，幾惹味。💁🏻♀️到主角兩款牛，真係將識過的字用完都形容唔到有幾好食😭日本產A5和牛嘅部位分別係牛肩，牛板健，同牛三根。肉塊油脂超多，且分布平均，肉質超級嫩滑，入口即溶，即使用壽喜燒醬汁燒過同沾上生雞蛋食都掩蓋唔到濃郁嘅牛味，每食完一啖肉再送淡飯，wuwuwuwuwuuw係幸福嘅滋味😭😭😭😭
喰楽係位於觀塘工業區嘅一間隱世壽喜燒餐廳，雖然係小店，但食物質素同服務態度比得上出面啲過江龍專門店，且價錢相宜，性價比超高😚
🌟餐廳得4張枱，黎之前記得要提前預約
🌟午市menu得5個壽喜燒窩定食同1個牛肉丼選擇，而晚市menu得5個壽喜燒燒肉餐選擇
🌟我同朋友黎食晚市燒肉，上菜嗰時店員會續一介紹啲前菜，和牛同野菜，全程都有人幫我地燒，我地淨係負責食😂
🌟餐廳裝潢偏日本和風，店舖雖小但五臟俱全，枱同枱之間嘅距離闊落，仲有有屏風分隔，唔洗怕比隔離枱嘅人望住自己醜陋嘅食野姿態😂私人隱度唔錯，整體格局同室內設計令人覺得幾舒服🥰
今次我地2人同行，嗌左兩個D餐——澳洲產m9和牛&日本產A5和牛(total 300g , 150g@1)
💁🏻♀️前菜有貝柱刺身，番茄蘿蔔同章魚小丸子味嘅雞卷。貝柱刺身幾鮮甜，雞卷酸酸甜甜，幾惹味。
💁🏻♀️到主角兩款牛，真係將識過的字用完都形容唔到有幾好食😭日本產A5和牛嘅部位分別係牛肩，牛板健，同牛三根。肉塊油脂超多，且分布平均，肉質超級嫩滑，入口即溶，即使用壽喜燒醬汁燒過同沾上生雞蛋食都掩蓋唔到濃郁嘅牛味，每食完一啖肉再送淡飯，wuwuwuwuwuuw係幸福嘅滋味😭😭😭😭😭😭至於美國產M9和牛嘅油脂雖不及日本和牛，但都幾嫩滑，牛味好重👍🏼👍🏼
💁🏻♀️不停地食牛會濟，所以店員間唔中都會用壽喜燒醬汁炒下野菜比我地食。野菜拼盤入面有冬菇，金菇，豆腐，娃娃菜，紅蘿蔔，洋蔥，芋絲等，全部都好鮮甜，解膩度極高👍🏼
💁🏻♀️食曬啲肉同菜後店員會利用鐵板嘅餘溫即席炒個日式雜炊飯，材料有和牛，紫菜，櫻花蝦，雞蛋等，撈埋窩內剩下嘅壽喜燒醬汁一齊炒，令個飯唔會乾爭爭，細細碗飯聞落香噴噴，味道唔錯👍🏼不過因為食完肉同菜已經好飽，所以食唔曬碗飯😵
💁🏻♀️然後店員會送上一球豆腐味雪糕，豆腐味好出，不過都係因為太飽所以食左幾啖就冇食了😵
💁🏻♀️最後飲埋啖香噴噴嘅蜜桃茶，解膩之如仲可以幫助消化，真係大滿足🥰(入座時店員會係我地面前沖，焗15分鐘就飲得)
💰價錢：$875.6 計埋加一
味道：🌟🌟🌟🌟🌟
服務質素：🌟🌟🌟🌟🌟
環境：🌟🌟🌟🌟
instagrammable：🌟🌟🌟🌟
價錢：🌟🌟🌟
地址：喰楽 (觀塘)
觀塘開源道60-62號駱駝漆大廈3期9樓H號舖
張貼
