影片
更多
2025-02-18
208 瀏覽
今次嚟到依間位於銅鑼灣嘅瀧宴，依間餐廳嘅環境好靚，望出外面可以見到維港海景🌉。今次坐吧枱位，可以望住成個料理過程🧑🏽🍳。 揀左最近做緊優惠嘅Takiyan特選和牛套餐，一開始會有刺身鮑魚等前菜，食到咁上下可以睇住廚師整鐵板嘅野食。一開始係自家製醬汁煮南非鮑魚同季節刺身3件，鮑魚都幾大舊，口感好煙韌彈牙，配埋咸咸哋嘅醬汁，令到鮑魚食落更鮮甜😋，好開胃。刺身由廚師發辦揀3款刺身🍣，分別係池魚、鮫魚同拖羅。三舊都好好食，入口即溶，一放入口係真係好似唔洗咬就吞到咁。其中最有驚喜係鮫魚，魚身有微微燒過🔥，令到魚嘅油香好突出，充滿成個口腔！接住就係吞拿魚米餅，海鮮茶碗蒸同硯肉清湯。吞拿魚蓉下面係糯米🍚，食落口感好滿足，食到有微香嘅米味再加上少少鹽嘅咸味令成個嘅味道更豐富。足料嘅茶碗蒸🥚，蛋味同海鮮好夾，蛋食落都好滑，而海鮮令個層次再昇華咗🦐。硯肉清湯就咁聞都聞到好香嘅硯味，清啖得嚟非常鮮甜🤩！嚟到鐵板環節，有鐵板龍蝦、香煎鵝肝同日本宮崎和牛。龍蝦好新鮮，見住佢即撈即切，廚師仲加咗龍蝦膏落龍蝦肉喺鐵板炒🦞，肉質好彈牙，鐵板燒完好香口。鵝肝煎得恰到好處，唔會過熟，鵝肝都好厚，啖啖都係滿滿嘅油汁，鵝肝
揀左最近做緊優惠嘅Takiyan特選和牛套餐，一開始會有刺身鮑魚等前菜，食到咁上下可以睇住廚師整鐵板嘅野食。
一開始係自家製醬汁煮南非鮑魚同季節刺身3件，鮑魚都幾大舊，口感好煙韌彈牙，配埋咸咸哋嘅醬汁，令到鮑魚食落更鮮甜😋，好開胃。刺身由廚師發辦揀3款刺身🍣，分別係池魚、鮫魚同拖羅。三舊都好好食，入口即溶，一放入口係真係好似唔洗咬就吞到咁。其中最有驚喜係鮫魚，魚身有微微燒過🔥，令到魚嘅油香好突出，充滿成個口腔！
接住就係吞拿魚米餅，海鮮茶碗蒸同硯肉清湯。吞拿魚蓉下面係糯米🍚，食落口感好滿足，食到有微香嘅米味再加上少少鹽嘅咸味令成個嘅味道更豐富。足料嘅茶碗蒸🥚，蛋味同海鮮好夾，蛋食落都好滑，而海鮮令個層次再昇華咗🦐。硯肉清湯就咁聞都聞到好香嘅硯味，清啖得嚟非常鮮甜🤩！
嚟到鐵板環節，有鐵板龍蝦、香煎鵝肝同日本宮崎和牛。龍蝦好新鮮，見住佢即撈即切，廚師仲加咗龍蝦膏落龍蝦肉喺鐵板炒🦞，肉質好彈牙，鐵板燒完好香口。鵝肝煎得恰到好處，唔會過熟，鵝肝都好厚，啖啖都係滿滿嘅油汁，鵝肝嘅味道都好濃郁，好滿足，另外仲好貼心地配左粒黑豆嚟中和鵝肝本有嘅油膩感🥳。厚燒和牛好稔，好濃牛肉味，再配埋蒜片同鹽可以令味道更豐富🧄，薄燒嘅入面係大量嘅蔥，夾埋好香口，口感更有層次。
最後仲有煙肉炒飯同什菜，同樣係鐵板炒，炒飯粒粒分明🥘，忍唔住想一啖接一啖咁放入口，而什菜主要係芽菜，食落都好夠味，加埋隔離嘅辣蒜就更加惹味。
而甜品就係巨蜂提子啫喱🍇，味道唔會太甜，亦都有解膩嘅效果，作為甜品嚟結尾一流。
張貼
