泰然 (長發廣場)

營業中

休息中

星期日下午兩點幾鐘到達， 帶小朋友嚟參加同學嘅生日會， 中途出咗商場行 ，見有茶餐可以嗌， 主食再加小食 仲包一杯嘢飲，性價比冇得輸咁款，就入咗去 。店家裝修都算光潔， 我哋兩個大人被安排坐近門口的卡位， 餐廳六成座位有人坐， tea set都有好多選擇。我叫咗個木瓜沙律配 黃金雞翼 (雞翼係單骨雞翼， 分開四舊即是兩隻雞翼)， size較細，但以茶餐嚟講真係幾平幾抵 ，另外嗌咗一個湯河，再加炸雲吞， 再加一個小食飛天通菜， 配咗一杯熱檸蜜同埋一杯凍檸茶 ，如果冇記錯應該埋單大約 130蚊。 性價比方面真係冇得輸，食物味道都中上，唔係hea，份量亦十分足， 最令我驚喜嘅係個雞翼 ，個炸醬做得好好， 我哋坐近門口，見到有好多街坊嚟嗌茶餐外賣 ，我相信呢間可能係全個長發商場 最靠譜 的食肆。