影片
更多
2022-07-18
784 瀏覽
朋友啱啱喺外國返嚟 話好耐冇食過香港地道菜式講起香港菜 一定會諗起冰室/茶餐廳今次帶咗佢嚟番茄18，事源之前喺將軍澳食過分店，覺得好唔錯環境方面雖然冇將軍澳咁懷舊，不過佢哋都係一樣行香港7、80年代嘅懷舊風格Menu如下：可以見到，如果嚟食早餐嘅話，一份大大份又飽嘅早餐都只係三十零蚊，真係非常之抵👍🏻由於我哋嗰日成11點幾到，咁就不如當食個brunch叫左：1️⃣花膠雞米線2️⃣蕃茄麻辣手撕雞米線3️⃣瑞士雞翼4️⃣麻辣雙色餃子5️⃣紅豆冰6️⃣華田脆脆兩碗麵嘅性價比超高，首先個碗仲大過譚仔嘅過橋米線😇花膠都算多，雞肉尚算嫩滑，個雞湯幾濃☺️唯一美中不足嘅就係米線真係太多😂慢慢食嘅話，啲米線會索哂啲湯，變咗越嚟越脹至於麻辣手撕雞米線，如果個面底有得揀薯粉更加正。個湯我覺得比較甜辣味，因為有蕃茄嘅味道中和，所以其實唔算好辣。手撕雞唔錯😊至於瑞士雞翼，不得不讚個顔色整得好好👍🏻播瑞士汁撈埋啲雞翼真係好好味呀，甜甜地鹹鹹地，配埋嘢飲一流。我忍唔住食咗四隻🫣仲有個雙色麻辣餃子，呢個小食都算幾特別😆一款係白菜豬肉餃，一款係粟米豬肉餃。個汁好好味有啲似平時食麻辣豬耳嗰啲麻辣汁，不過因為覺得個味道幾濃烈，所以其實識落唔太細心
話好耐冇食過香港地道菜式
講起香港菜 一定會諗起冰室/茶餐廳
今次帶咗佢嚟番茄18，事源之前喺將軍澳食過分店，覺得好唔錯
環境方面雖然冇將軍澳咁懷舊，不過佢哋都係一樣行香港7、80年代嘅懷舊風格
Menu如下：
可以見到，如果嚟食早餐嘅話，一份大大份又飽嘅早餐都只係三十零蚊，真係非常之抵👍🏻
由於我哋嗰日成11點幾到，咁就不如當食個brunch
叫左：
1️⃣花膠雞米線
2️⃣蕃茄麻辣手撕雞米線
3️⃣瑞士雞翼
4️⃣麻辣雙色餃子
5️⃣紅豆冰
6️⃣華田脆脆
兩碗麵嘅性價比超高，首先個碗仲大過譚仔嘅過橋米線😇花膠都算多，雞肉尚算嫩滑，個雞湯幾濃☺️唯一美中不足嘅就係米線真係太多😂慢慢食嘅話，啲米線會索哂啲湯，變咗越嚟越脹
至於麻辣手撕雞米線，如果個面底有得揀薯粉更加正。個湯我覺得比較甜辣味，因為有蕃茄嘅味道中和，所以其實唔算好辣。手撕雞唔錯😊
至於瑞士雞翼，不得不讚個顔色整得好好👍🏻播瑞士汁撈埋啲雞翼真係好好味呀，甜甜地鹹鹹地，配埋嘢飲一流。我忍唔住食咗四隻🫣
仲有個雙色麻辣餃子，呢個小食都算幾特別😆一款係白菜豬肉餃，一款係粟米豬肉餃。個汁好好味有啲似平時食麻辣豬耳嗰啲麻辣汁，不過因為覺得個味道幾濃烈，所以其實識落唔太細心嘅話，我唔係太食得出兩隻餃子味道嘅分別。仔細食嘅話，會覺得粟米豬肉餃好味啲，可能因為粟米粒粒分明嘅關係，因口感係再好啲嘅
嘢飲嗌咗華田脆脆同紅豆冰，正正常常，我覺得紅豆冰少啲冰會再好啲
Overall 呢間冰室嘅食物味道好正宗☺️價錢非常抵食😇我覺得係好local &friendly嘅餐廳
張貼
