宴 尖沙咀

本來諗住同朋友可以夜晚食返個晚飯慶祝朋友生日，諗住嚟呢間居酒屋飲杯酒食下小食，點知政府話晚市禁堂食，飲番杯酒都難😞😞😞 可以點做喎，唯有晏晝買返兩個便當同朋友喺屋企度食啦！呢度便當有好多款我地，就揀咗「南蠻炸雞便當」，「沖繩野菜炒豆腐便當」！其實呢間居酒屋有好多特色嘅沖繩產物例如苦瓜等等， 可惜我哋太遲黎啦！沖繩苦瓜賣晒😖但係廚師就話唔使擔心呢兩款都好好食！咁我哋就嗌左呢兩款外賣返屋企食！順便買啲日本清酒食住個便當當自己去咗沖繩先啦廚師仲好有心機咁介紹佢哋嘅菜單俾我哋，而且佢仲特登俾個便當特色前菜「沖繩腦豆腐」第一次聽又未食過，原來係沖繩特色小食，送酒一流！沖繩野菜炒豆腐便當樣子已經好吸引呀！有自家製嘅泡菜！對泡菜本來有份抗拒嘅我對泡菜改觀冇諗過泡菜可以咁清甜，唔會好重醃料，好開胃，野菜炒豆腐食落口好香鑊氣，野菜好清甜，仲有少少豚肉，啱晒鍾意食菜嘅我！甜品仲有抹茶厥添朋友就鍾意食香口野！南蠻炸雞便當 炸雞炸到金黃色再有埋秘製醬汁，配埋飯一齊食大有胃口，佢哋仲有自家製嘅泡菜比起韓國泡菜好食得多，清新爽甜又生津！甜品仲有個類似大福嘅糕點都係沖繩特產嚟㗎😝雖然而家邊度都去唔到但係食呢一份便當