味真

營業中

休息中

淨係前菜都好豐富，佢有涼拌蘿蔔乾、沙蔘，醃製茗葱，泡菜，生菜沙律，醃蓮藕同豆乾。個人好中意食佢蓮藕，甜甜哋，口感少少粉。豬三層肉佢個豬三層肉可以話係係呢度嘅必試之選，肉質鮮嫩多汁，脂肪分佈得幾均勻。燒過之後，外面脆脆哋，香味四溢，而且完全唔會覺得好油膩，點埋個醬酸酸甜甜咁好好食！！豬梅肉 佢個豬梅肉望落好肥，但係真係好好食，燒到焦香金黃後，如果怕油可以用生菜夾住，再加啲酸蘿蔔片，味道豐富得嚟又唔怕膩，每一啖都係享受。牛肋肉牛肋肉肥瘦適中，肉質嫩得嚟帶啲牛油香，燒完會幫你剪成細細舊，可以點唔同醬料食。個人感覺點鹽同埋個甜酸醬都好好食！韓式雞蛋羹叫咗個韓式雞蛋羹，原本睇佢個樣以為煮得耐咗，但食落完全唔會覺得“鞋”，而且好香蛋味，同埋佢入面加咗啲配料，令到食落唔覺得寡，大大碗食曬都唔覺得膩～肥牛麵豉湯感覺佢個湯都幾香濃，但係又唔會太重麵豉味，而且好多料。有好多肥牛，豆腐同其他配料。如果配麵或者白飯應該都可以食到幾碗～有湯有前菜又可以食燒肉，仲要唔使自己落手燒，先至人均$200都唔使，真係好抵！