Red Mamma Mia

營業中

休息中

呢間商場嘅餐廳成日喺屋企感覺都係好貴唔抵，但係咁啱經過，見到呢間餐廳嘅裝修好靚，望一望Menu，原來價錢一啲都唔貴，咁就一於嚟試吓啦。呢度嘅裝修比較簡單，但係座位好闊落，坐得好舒服，兩個人都可以坐一個大嘅圓形卡位，好適合打卡。一開始我哋就叫咗呢個煙三文魚沙律，一上枱真係好驚喜，佢竟然係用下午茶嘅三層塔嚟裝，真係好適合女仔打卡。而且佢嘅煙三文魚唔會太鹹，越食越開胃。我認為最好食嘅就係呢個慢煮豬排，佢嘅調味好出色，襯埋個豬扒真係好夾，而且豬扒食落唔會太硬，煮嘅火候啱啱好，真係好值得一試。而且佢嘅薯條都炸得好香脆，襯埋豬扒食真係一流啊。另外我哋仲叫咗呢個海鮮龍蝦意大利粉，估唔到咁大兜，性價比好高。而且佢嘅海鮮都好新鮮，隻龍蝦仲要非常大隻，而且仲有唔少蟹膏，雖然得一隻但係都可以分兩個人食，非常推薦大家都叫呢個嚟試吓。呢間餐廳食物質素高，而且又抵食，喺呢個商場度應該係性價比最高嘅餐廳。