影片
更多
2025-03-20
148 瀏覽
〈【荃灣食記】一輪｜和牛漢堡！三款口味＋白飯任裝～抵食肉控天堂〉荃新天地一間漢堡飯專門店「一輪」，主打北海道和牛漢堡，仲要配埋任裝珍珠米飯，啱晒大胃王同肉食獸！今次試齊三款人氣口味每份定食都會跟醃蘿蔔、麵豉湯同日本生雞蛋。酸酸地嘅蘿蔔片幾開胃▌原味北海道和牛漢堡🍚戳穿蛋黃撈飯係指定動作！漢堡外層微焦，咬落超多肉汁，和牛油脂香混合蛋漿撈飯，邪惡但停唔到口！怕膩嘅可以加多少少酸蘿蔔一齊食▌微辣茄汁漢堡🌶️ 味道濃郁得嚟帶點清新，少少似肉醬！撈飯一流▌三重芝士漢堡🧀 芝士控注意！每啖飯 每啖肉都掛滿芝士醬，罪惡感爆燈但好滿足（減肥？聽日先啦）口感一流 三種口味 比佢最高分🤤🤤▌白飯任裝唔怕唔夠飽 🍚 重點讚吓個珍珠米，煮得粒粒分明又夠煙韌，同濃味漢堡好夾。撈埋d油脂同醬汁 出色🥰小食驚喜！明太子雞翼＋咖喱鹽雞軟骨 🍗 • 明太子雞翼（$58/2隻）雞翼釀到脹卜卜，咬開即爆明太子餡！微辣鹹香熱辣辣食超正～ • 炸雞軟骨（$48）配埋咖喱粉混合嘅鹽，配埋啤酒！perfect!• 炒椰菜（$38）爽脆清甜，有菜有菇，平衡返啲油膩感。百零蚊有高質和牛漢堡飯算係抵食，尤其鍾意佢唔限加飯，大胃王
荃新天地一間漢堡飯專門店「一輪」，主打北海道和牛漢堡，仲要配埋任裝珍珠米飯，啱晒大胃王同肉食獸！今次試齊三款人氣口味
每份定食都會跟醃蘿蔔、麵豉湯同日本生雞蛋。酸酸地嘅蘿蔔片幾開胃
▌原味北海道和牛漢堡
🍚戳穿蛋黃撈飯係指定動作！
漢堡外層微焦，咬落超多肉汁，和牛油脂香混合蛋漿撈飯，邪惡但停唔到口！怕膩嘅可以加多少少酸蘿蔔一齊食
▌微辣茄汁漢堡🌶️
味道濃郁得嚟帶點清新，少少似肉醬！撈飯一流
▌三重芝士漢堡🧀
芝士控注意！每啖飯 每啖肉都掛滿芝士醬，罪惡感爆燈但好滿足（減肥？聽日先啦）
口感一流
三種口味 比佢最高分🤤🤤
▌白飯任裝唔怕唔夠飽 🍚
重點讚吓個珍珠米，煮得粒粒分明又夠煙韌，同濃味漢堡好夾。撈埋d油脂同醬汁 出色🥰
小食驚喜！明太子雞翼＋咖喱鹽雞軟骨 🍗
• 明太子雞翼（$58/2隻）
雞翼釀到脹卜卜，咬開即爆明太子餡！微辣鹹香
熱辣辣食超正～
• 炸雞軟骨（$48）
配埋咖喱粉混合嘅鹽，配埋啤酒！perfect!
• 炒椰菜（$38）
爽脆清甜，有菜有菇，平衡返啲油膩感。
百零蚊有高質和牛漢堡飯算係抵食，尤其鍾意佢唔限加飯，大胃王唔使偷偷地睇住荷包食～經過荃灣可以試!
少少讚賞✨✨店員服務態度幾好 幾有禮貌
張貼
