漁釧 (V Walk) (已結業)

一行五人用餐，舖內座位不算多，但座位之間尚算闊落！人未齊就叫住幾樣簡單野食住等，失望既一既就正式開始！叫鴨胸沙律居然話鴨胸無貨，跟手想食蟹肉玉子燒，竟然話無玉子燒，有咩可能？日本料理無玉子燒真係一個大笑話！最終叫咗兩個沙律，尚算可以！叫咗個十四點壽司，質素好一般，樓上元氣同壽司郎應該會好食D！串燒完全唔熱，十分失望！卷物份量超細，性價比極低，可以不叫！魚生飯同冷麵算比較好，份量夠，算新鮮！最後叫咗一件石燒牛小排，要三催四請先到，原來要現場即燒，可能舊牛小排要解凍啦，但最敗北就係侍應幾舊牛一開二，燒咗半舊上碟再燒半舊，搞到半舊牛凍哂先有得食，早知去牛極自己燒好過。總括呢間野係伏伏伏，試一次就夠！